مرحبا علبة قشطه .. الكهربة التي تستوي للعبي مرات يكون من القطعه نفسها
أ/ا عن غسل العبي اللي أعرفه إنها لازم تنغسل بالإيد لأن الغساله تخربها وبعد يغسلونها بشامبو أحمر

السلام عليكم

علبة قشطه .. بالنسبه للعبايه اولا حطيها في الشامبو الخاص بالعبايا .. فيه انواع بدون رائحه .. وخليها فترة ساعه او اكثر مب مشكله عقب غسليها بالسريع بأيدج مب الغساله ولا تحطين فيها كمفورت ابداا وطبعا الافضل تغسلينها عقب المغرب لنه في النها ر الشمس تخرب لون العبايه وتسبب الكهربا فيها .. انا بصراحه اغسلها فليل واعلقها وانتو بكرامه في الحمام تنشف عادي ..
واذا ما عندج اللي يطير الكهربا وموجود في الجمعيات ( anti - static ) ممكن ترشين بخاخ فيه ماي من داخل العبايا يعني بالمجلوب رشات خفيفه من الماي طبعا ما تغرقينها وان شاء الله ما بتكون فيها شحنات كهربائيه ..
ومثل ما تفضلت وحده من الاخوات نوع القطعه له تأثير يوم بتفصلين عباه انشدي البائع شو احسن قطعه عنده ..

والله الموفق

السلام عليكم
احب افيدكم
عبايتي مدري وش نوعها بس هي من تو.....(مابي اسوي لهم دعايه لانهم ما يستاهلون غالين
كانت تاستك مثلك
بعدين صرت اغسل عبايتي بيدي بالشامبو الفيري
انشفها بالنشافه بعدين اقلبها واكويها وهي نديه حيل
اذا اختفت عندك مشكلة الاستاتيكيه ارسليلي عا الخاص واكون لك مشكوره
(عشان اعمم الفرضيه) تسلمين يا عيوني

أهلا حبيبتي
بالنسبة لي قماش عبايتي كريب سعودي وعن غسل العباية
أنقع العباية في الماي مع الشامبو لمدة ربع ساعة فقط
وبعدين أمسك العباية وأطلعها وأغمسها في الماي مرة ثانية
أطلعها وأدخلها في الماي خمس مرات إذا ما كان فيها بقعة
أما أن لامسها وسخ مثل علكة أو انكب عصير أو خلافه فادعكها بإيدي
إلين تروح ومن ثم أعلقها بالعلاقة.... ولا تتعرض للشمس ومن ثم أكويها بالبخار
وسلامتكن وأتمنى أني أفتدكن والسلام عليكم ورحمة الله وبركاته

استفدت منكم الله يجزاكم خير