مشكلتي مع عدم انتظام الدورة وتاخر الحمل , ساعدوني وخصوصاً بنات الشرقية

مرحبا

مشكلتي في عدم انتظام الدورة من زماااااان بس كانت تتأخر اسبوع او 10 ايام بالكثير وتجيني بألم شديد جداً وبعد زواجي تلخبطت أكثر وصارت تتأخر من 18 يوم الى 20 يوم
مع العلم ان صار لي سنة و 8 شهور من تزوجت وطبعاً الى الآن ماحملت وقلت يمكن المشكلة في عدم انتظام الدورة , رحت الى طبيبة نساء وهذي اول مرة لي اروح لطبيبة نساء يعني ماعندي خبرة ابد وكانت للأسف هندية يعني يادوب اقدر اتفاهم معاها شرحت لها حالتي ولا استفدت شي تقول لي خلاص خلي زوجك يسوي تحليل
قلت لها طيب مش قبل اسوي تحاليل ونشوف يمكن المشكلة من عندي بسبب اضطراب الدورة او يمكن هرمون الحليب مرتفع لأن سمعت انه مانع للحمل فقالت خلاص راح نعمل لك تحليل وعطتني ورقة التحليل وقالت تعالي بعد كم يوم
قلت لها طيب ماراح توصفي لي دواء لتنظيم الدورة يعني شوي واصير انا ا لدكتورة واوصف لنفسي :30:
فوصفت لي ( دفوستون ) مع العلم ان آخر دورة لي كانت تاريخ 18 / 8 / 2006 وانتهت بتاريخ 23 / 8 / 2006 ورحت لها يوم السبت الماضي تاريخ 2 - 9 - 2006 وقالت لي اخذ الدواء لمدة 10 ايام حبة واحدة في اليوم ابتدأت فيه يوم الاحد تاريخ 3 - 9 - 2006 والى الان استخدمه يعني المفروض اقطعه يوم الثلاثاء بعد بكرة

اللي صار اني رحت امس علشان اخذ نتيجه التحليل ودخلت على دكتورة مصرية علشان على الاقل اقدر اتفاهم معاها وقالت لي ان النتيجة 21 يعني مرتفع
قلت لها طيب انا من شربت دواء التنظيم وانا أحس بألم شديد في صدري واحياناً بألم متقطع اسفل بطني قالت متى اخذتي الدواء قلت لها بعد 10 ايام من انتهاء الدورة قالت مايصير المفروض تاخذي الدواء من ثاني يوم في الدورة والاعراض اللي فيك ممكن تطلعي حامل
خوفتني قلت لها والحين الدواء ممكن يأثر عليّ لو كنت حامل قالت ماادري كيف الدكتورة وصفته لك ومش فاهمة ومن هالكلام مااستفدت منها شي قالت لي استمر على الحبوب الين يوم الثلاثاء واذا جتني الدورة ارجع لها علشان توصف لي دواء هرمون الحليب

يعين انا بصراحة ماارتحت للمستشفى كأنهم مو فاهمين شي ولا عرفت سبب تأخر الحمل عندي هل بسبب ارتفاع هرمون الحليب او شي ثاني ؟
انا قرأت في المنتدى ولقيت ان من الاسباب تكيس المبايض فكيف اعرف هل انا مصابة به او لا ؟

انا محتارة كثير ماادري وش فيني والدكتورة شكلها ماتفهم شي ومتضايقة من هالسالفة ولا عارفة وين اروح اي مستشفى

فياليت من خبرتكم تفيدوني وتنصحوني ايش اسوي ؟؟ :(

وبنات الشرقية شنو أحسن مستشفى بالدمام وياليت اسم دكتورة نساء شاطرة وتتكلم عربي :30:

واسمحوا لي على الاطالة

تحياتي