السلام عليكم ورحمة الله وبركاته
اختي حبيبتي الموضوع سهل زوجك خليه يتأخر عليها مرات وشوي كمان يتعذر يقول انا بودي امي موعد ولا راحت علي نومه ولا اليوم السياره خربانه  مايبغالها بالصريح ياليتك ماقلتي لها زوجي مو سواق بما ان زوجك يستحي من زوجها على اساس له جمايل معاه وشوي شوي بتسحب هي من نفسها وبتدبر نفسها مايحتاج له كيد وهم  وهي اخلاقها على نفسها  الله يهديها

كيف عرفتي انها تراود زوجك عن نفسه ؟؟؟ 
هل هذا شك أو فيه موقف حصل عشان تكوني متيقنة ومتأكدة 100٪ من كلامك 

يعني هل حاولت مرة تضمه او تلمسه بشكل مريب 

انتبهي يا اختي ولا تأخذك الغيرة العمياء للظن السوء 
فإن بعض الظن إثم 

هل عندك دليل قوي على انها إمرأة منحرفة جداً لدرجة انها تشتهي محارمها 
او هذا مجرد شك منك ومن زوجك 

وما تشوفوا منها غير التلميحات 


اذا ما عندك دليل كافي وقوي وواااضح انها فعلاً تريد ان تجرك زوجك للحرام 
فالافضل انك ما تكلميها ولا تتدخلي في هذا الموضوع 
الان المبررات الي ذكرتيها اذا كنتي تعتبريها ادلة 
على نيتها 
فهذه مبررات غير كافية ابداً 
انها تلبس قصير وعاري من الصدر !! 
او ترسل رسائل جنسية !! 
او تدخل شات تكلم شباب !! 

كل هذه الامور ما هي كااافية انك تشكي انها تشتهي محارمها !!!!

احذري كيد النساء .. اذا حست بمضايقتك لها وغيرتك منها 
راح تقلب الوضع عليك وعلى زوجك 
ويمكن توصل انها تحرش زوجها على زوجك يضره في الشغل 
او ما يساعده مثل اول

انا حاااسة ان الموضوع انتي وزوجك مكبرينه 
 والغيرة هي السبب الرئيسي لشكوك

والله اعلم ما في نية عمته ما راح ادخل بنيتها واحط بذمتي  ولا اتهمها والعياذ بالله انها ترغب بزنا المحارم 


السالفة  ابسط من كذا بكثير 
ونصيحتي اذا بغيتي تتعاملي معاها بالكيد 
لا تواجهيها ابداً وغلطانة انك كلمتيها من الاساس 

يقدر زوجك يطفشها وبسهولة وهي من نفسها تقول لزوجها ما ابغاه يوصلني 

من تدخل معاه السيارة يشغل قناة القرآن ويجلس يسبح طول الطريق 
واذا حبت تدردش معاه يسوي نفسه تعبان ومو مركز في سالفتها 

ويرد عليها ردود مثل ايوة او لا 

ويحرص انها لما تدخل السيارة معاه يكون مجهز محاضرات دينية عن اللبس المحتشم او زنا المحارم 

مرات قرآن ومرات محاضرات 

واذا قدرتي مرات كوني معاهم يوصلها بحضورك 

اختي اذا ما شفتي لا انتي ولا زوجك موقف صريح منها بالقول او الفعل على رغبتها باقامة علاقة زنا محارم مع زوجك 

فلا تخلوا الشيطان يكبرها في راسكم 

وتطلع الحرمة بريئة من هذه الشكوك 

لازم فيه دليل قوي وصريح 

اتركي عواطفك وغيرتك على زوجك على جنب وفكري بموضوعية 
وقلبي الموضوع براسك اكثر من مرة 

يمكن هي جريئة حبتين ،، مطيحة الميانة معاه ومع غيره من عيال اخوانها 
لها حركات طائشة هنا وهناك 

لا تقذفيها الا اذا كنتي متأكدة 

انا اشوف ان عادي خل زوجك يوصلها وهذه في النهاية عمته مثل امه وما راح ينظر لها بشهوة حتى اذا كانت هي جريئة معه 
وبالنسبة الي انه مو سواق وعندها زوجها وولدها هو ما يوصل ناس من الشارع هو يوصل عمته !

في النهاية اختي الكيد الي تبغيه هنا انا متأكدة انه راح يرجع عليك دبلات 

انا عطيتك حلول 
بس راح اعطيك نصيحة اخيرة 
اتركي الموضوع ينتهي من نفسه من غير تدخلات منك 
مو معقولة راح  تظل طول عمرها تطلب من زوجك يوصلها 
لازم بيصير مرات ان زوجك ينشغل ويعتذر وهي تدبر نفسها وخلاص ينتهي هذا الموضوع 

صوري محادثاتها ورسايلها ... وكل ماوداها مشوارها روحي معهم ع انك تبين تروحين مكان معين..
وخلك ع طول معهم .. ومرات خليه يتاخر عليها ويتعذر ويتحجج كذا مره
واذا مانفع معاها هدديها بالاول انك راح تعلمين زوجها ..
وبعدين ان مافاد التخوويف خلاص علمي زوجها وش بتسوين بعد
اعرف عمات كذا ... مايبقى احد ماتتحرش فيه حتى اللي بعمر عيالها .. وولد زوجها واقاربها الله لايبلانا

مالج حق تظنين فيها بهالشكل استغفر الله،، وبعدين هي عمته،، وثانيا انا اشوف انح مالج دخل في الموضوع! بكل صراحة زوجج هو اللي يوافق او يرفض وهو المفروض يتكلم لو مو عاجبه!! بس هاللي اشوفه مادام رايحرايح ام يصافيطريقه وهي عمته في الاخير،،الله يهديج

اسلوبك غلط يوم قلتي زوجي مو سواق مره صعبه الحين تفهم انك غيرانه،، اذا تبغي الاجر انصحيها بأسلوب خذيها بالطيب ارسلي لها روابط دينيه عن اللبس المحتشم والمحارم يمكن توبتها ع يدك اما طريقتك ذي باين انها غيره على زوجك و مو خوف من تصرفاتها ولبسها انتي بس انصحيها واتركي الموضوع نصصصصيحه لاتدققي فيه
وأخيرا ي خوفي انو زوجك قدامك يسايرك و يعننه متضايق من عمته ومن تصرفاتها علشان يهديك و يبعدك عنهم انا مااقصد انو زوجك يخونك معاها لاااا 
اقصد انو عادي عنده يوديها و يجيبها ومهما كان لبسها بس ينتقدها علشان ماتزيد غيرتك ومشاكلك معاه وحتى الرساله اللي عارف انك ارسلتيها يمكن دق ع عمته وفهمها السالفه علشان كذا ماردت عليك😌😌