مشكلتي مع عيالي

السلام عليكم ورحمة الله وبركاته


ادري اني كثرت مواضيع بس بودي افضفض ومحتاجة مشورة من اللي عندهم خبرة في الموضوع

انه الحمد لله عندي بنتين الكبيرة عندها سنة وثمانية اشهر والصغيرة شهرين

الوضع صاير جدا صعب علي ، آنه روحي معلقة في بناتي ما انكر لكن لما يزيد علي التعب اصير عصبية مع اني في الاصل هادئة ودارسة علم نفس يعني ضد اني اضرب او اعصب ع طفل

مشكلتي كالتالي بنتي الكبيرة تنام الساعة 11 بالليل وبنتي الصغيرة تنام قبلها طبعا بس تصحى ع الساعة 1 لحد الساعة 6 أو 7 لما تنام بعد ما تطلع عيني تكون بنتي الكبيرة صحيت واكون المفروض مجهزة الفطور لزوجي عشانه يصحى ع الساعة خمس ويطلع لدوامه ست أو ست ونص ، فتصحى بنتي الكبيرة وع ما اغير لها حفاظ واجلس معاها تفطر وتلعب الا اختها قعدت تبي الرضعة وانيمهم ثنتيناتهم عشان اقدر انام تكون الساعة غالبا ع العشرة الصبح ، أنام لي ثلاث اربع ساعات يادوب ويصحون الصغيرة عشان رضعتها والكبيرة بس شبعت نوم.

أكون في قمة تعبي الصبح ومزاجي مضروب ومالي خلق وحتى بعد ما اصحى نومي مو كفاية ، تعاملي مع زوجي تغير صايرة عصبية وحتى مااحب اطل بوجهه لانه احسه هاملني يصحى خمس ويداوم ويرجع الساعة ثلاث أواربع وانه مااطبخ غدا مااقدر ، وينام لما يرجع بعد ما يمكن ناكل ويمكن لا دوبي اسوي لبنتي شي خفيف ع الماشي ، ينام ويصحى سبع ، ويرد ينام ع ال11 مع بناته بس احس نفسي تعبت طول اليوم شايلة حاطة ادور لاالوقت دوارة اشيل واحط ، ارتب وانظف حتى وسخه ما يشيله اذا قلت له اكل بنتك أو ساعدني تطلعمن عيني لانه يقلب لي الشقة فوق تحت ، تنظيف و غسيل ثياب وكواي وغسيل مواعين وبنتين وطبخ ، حتى الاشياء البسيطة اطلبه اياها اكرر مرتين ثلاث اربع يالله يسويها ، اكياس الزبالة ما يطلعهم الا بعد ما اموت قهر يجمعهم لي يومين وفيها حفاظات ما اطيق تلوع كبدي ، على انه يحاول يساعدني احيانا بس هاملني .

أيام الاجازة اللي المفروض تكون لي ارتاح فيها لانه موجود يقضيها مع اصحابه سهاري للصبح ، وينام الصبح للعصر او المغرب ، أموت ابي انام او احد يساعدني ماكو .

خدامة موب راضي يجيب لي ، حضانة مو راضي اودي بنتنا الكبيرة ، ما يبي ثيابع عند مغسلة ، ما يبي اكل من بره نظل بالجوع ولا ياكل من بره ، كلمته رتب اولوتاياتك وارتب اولوياتي نرتب يومنا ابي اعيش احس نفسي جالسية اموت ، الشيب ملا راسي ، اقسم روحي الف قطعة وبعد مو عاجب ، عطني حل ابي حل ماكو حل ، وفي الاخير يجي يقول لي هاملتيني وبناتك عندك الاهم ، الرحمة زينة والاحساس نعمة .

والله اني صرت اتمنى الموت ، اذا صار عندي قلب وجهه وعند اصحابه فله ووناسة ، وللعلم هو يشتغل شغل حر يعني يقدر يدبر وقته ويساعدني ومتقفة معاه مليون اتفاق لما حملت ارجوووك ثم ارجوووك لاتهملني مثل ما اهملتني في بنتنا لما ولدت ارحمنني ووعدني ولا شيء .

مسئولياته ما يسويها ، يقتلني

صرت افكر بالطلاق احس نفسي عايشة في بهدلة مع اني احبه بس لا مصروف يعطيني ، وفوق هذا اهمال ، والله لو اروح اعيش في بيت اهلي ارتاح ..

ساعدوني شلون اربي طفلين ومع العلم بنتي الصغيرة كان نومها غير اول شهر بس صار لها شهر ع هالوضع ماادري ليش كنت معودتها احممها وانيمها بس تركتها عند اهله اسبوع كنت مريضة ومنومة واخترب نومها ما عرفوا لها وخلاص عجزززت اضبط نومها ماكو حل

ساعدووووووني