مشكلتي مع قراءة المشاكل بستمرار

احذفي الحسابات الي فيها مشاكل
اقري كتب قصص مفيده او تابعي برامج
مالومك لا اكتئبتي كلها حمولتي سوت وزوجي قال طاقه سلبيه فعلا

قررت معد ادخل موضوع فيه مشاكل زوجيه..لأنها كلها نفس الشي..
ولان الي تنزل مشكلتها احس ماتبي حل قد ماتبي تفضفض.. لانها ما تقبل اي حل نقوله.. خاطه الأعذار مسبقآ..
ولأنا نتضايق ويأثر على جونا..
دام الله سبحانه وتعالى مريحنا ليش نتعب انفسنا..
ابعدي عن مثل هالمواضيع يا عمري منتي مجبوووره.

وعليكم السلام
توك جديدة ماكملتي شهر ولا شفتي اللي شفناه
احب اطمنك ربع المشاكل اللي تنكتب هنا فيها بهارات وملح وزيادة سكر ومبالغات
والربع الثاني من المشاكل كذب وتأليف
والعضوات القديمات يقدرون يأكدون لك هذا الشي ياما صار تعاطف وبكاء وضيقه لدرجة ان ناس ارسلو فلوس ومساعدات للعضوة المسكينه ثم تجي إرادة الله وتنكشف انها كذابه طول السنوات الماضيه كانت تألف وتكذب عليهم وتاخذ منهم فلوس
ووحده سوت نفسها ميته ونزل موضوع يدعون لها وحزينين ثم يكتشفون انها كذابه وهي عايشه ترزق
فنصيحه لا تعطين المشاكل اللي تنكتب هنا اكثر من حجمها
لان حتى المشكله الحقيقيه اصحابها مايذكرون التفاصيل بمصداقيه دايماً يحاولون يطلعون انفسهم مساكين ومغلوب على امرهم لانهم بس يبونك تستنزفين مشاعرك عليهم وتتعاطفين وتطبطبين وتدعين وهي تقفل الموضوع ثم ترجع لحضن زوجها والضحكه شاقه الوجه
تعلمي تاخذين وتخلين ولا تصدقين كل شي يقال 100%

اذا انت من الناس اللي تتأثر سلبياً بهذه المواضيع نصيحة لاتدخليها
ابحثي عن المواضيع الايجابية اللي ترفع معنوياتك

أبعدي عن القصص الا تجيب لك طاقه سلبيه ترا مو كلها حقيقيه بس تتعبي نفسك ع الفاضي عني في المنتدى ماأدخل كل المواضيع وحتى لو قرأتها أنساها وماتأثر علي لانو احتمال كبير تكون مألفه ووقتي مايسمح صراحه غريب إلا يخلي عالم وهمي يتحكم ف مشاعره