السلام عليكم ورحمة الله وبركاته
بقول لكم مشكلتي مباشرةً وابغى منكم التصرف السديد او وجهه النظر الصحيحه
انا عندي قريبه مايعجبها ولا شي مهما اسوي مايعجبها وكنت مفكره انه تصرفاتها كذا معي لين جاني كثير ناس اذا سولفنا يشتكون منها
بقولكم صفاتها وبعض المواقف عشان تتضح الصوره
هي من النوع الي يشوف نفسه حتى لو ماعندها شي او حياتها بسيطه بس فيها شوفة نفس بشكل مبالغ فيه ولا يعجبها الي حولها ابداً زي مره رحنا بيت كنا معزومين وهي جت وصاحبه هذا البيت توها ساكنه ومبسوطه بالبيت ومدحنا البيت وللامانه بيتها جميل تبارك الرحمن لكن هي مامدحت وجلست تقول لو سويتي كذا ولا كذا كان احسن من باقي يحط هذا هنا ومدري ايش لين ما تنكدت البنت!
علاوةً ع هذا مره رحنا بيتها وكانت قريبه لها برضو موجوده وبس ترمي كلام علي وتتكلم عن بيتنا وتقول بعد يهدونه ومعرف ايش!! قلت سلامات اشبك وش فيه بيتنا عشان يهدونه قالت طيب نشوف بعدين بالاخبار!!؟
وحتى بناتها ماتخليهم يجلسون مع احد ومره تضاربت مع وحده قريبه لها تقول بنتي صارت ساكته وماتتكلم وهاديه كله من بنتك ووووو اشياء تضيق الصدر والله العظيم الكل ينفر منها ومن بناتها بسبب طول لسانها
وامانةً ماكان ودي اذكر هذا الموقف بس الله يستر عليها لكن قبل يتوفى ابو زوجها كانت دايم ترفع صوتها عليه وماتحترمه حتى اخو زوجها قال لزوجته انها قليله أدب وترفع صوتها ع ابوي وزوجته قالت لنا وإن حركاتها تضايقها وماعادت تتحمل
وبناتها نفس حركاتها بالضبط مايطيقون احد وبس يدقون بالكلام وماخفي أعظم
عالعموم قد مريتوا ب زي كذا واذا ايوه كيف تصرفتوا؟ لان بصراحه حركاتها تنفر الكل منها وانا وحده منهم.
ورد @wriiiu
عضوة نشيطة
يلزم عليك تسجيل الدخول أولًا لكتابة تعليق.
في الجنة القاك ١
•
هل هي باره بوالديها
عنود فهد
•
وليه ما تقطعينها دامها كذا؟
ليه تعزمونها وتروحون بيتها دامها كذا هي وبناتها؟
بعض النساء مب فالحة الا في التحلطم وبس
ليه تعزمونها وتروحون بيتها دامها كذا هي وبناتها؟
بعض النساء مب فالحة الا في التحلطم وبس
عنود فهد
•
هل هي باره بوالديهاهل هي باره بوالديها
تقول لك بناتها نفس طينة امهم
<والذي خبث لا يخرج إلا نكدا>
<والذي خبث لا يخرج إلا نكدا>
ورد
•
عنود فهد :
وليه ما تقطعينها دامها كذا؟ ليه تعزمونها وتروحون بيتها دامها كذا هي وبناتها؟ بعض النساء مب فالحة الا في التحلطم وبسوليه ما تقطعينها دامها كذا؟ ليه تعزمونها وتروحون بيتها دامها كذا هي وبناتها؟ بعض النساء مب فالحة...
والله فكرت يختي بس اتذكر صله الرحم واعود واتغاضى الله يعين
لكن حتى لو رحنا عند أي أحد تكون موجوده غالباً يعزمونها حتى لو قطعت علاقتي فيها
لكن حتى لو رحنا عند أي أحد تكون موجوده غالباً يعزمونها حتى لو قطعت علاقتي فيها
الصفحة الأخيرة