@shosho @shosho_61
محررة برونزية
مشكلتي مع قوى الأمن واشاعة الجنين ممكن تتفضلي وتطمنيني
بدخل بالموضوع ع طول مااحب كثرة المقدمات هذا سلمكم الله حبايبي انا حامل ولي ملف في قوى الامن بالرياض لاكن مااتابع الا من الخامس ورى واتابع باهلي ع حسابي الين اقرب للولاده ابدى اتابع بقوى الامن المهم من الشهر الاول الى الشهر السادس وانا سويت يمكن ثلاث سونارات بالاهلي ومتطمنه ع البيبي وخلقته ومويته لان مع سكري الحمل المهم قلت اتابع بمستشفاي الحكومي ع السادس سويت سونار بالحكومي ولارجعت لهم اشوف النتائج ورحت سويتها بالاهلي وتطمنت بنفس اليوم لاكن المشكله امس انا باخر الثامن تابعت بالحكومي قوى الامن وهنا الصدمه الحمدلله قالت ليش وليش ماتابعتي عندنا ومدري ايش تخانق واخر شي قالت اخر سونار لك عندنا قبل شهرين ماجيتي ع الموعد نقول لك النتائج قلت انا مطمنه برى ع الببي قالت البيبي عنده قصور بالاطرف عندك خبر او لا قلت يابنت الحلال توني مسويه سونار قبل 10 ايام بالضبط الامور تمام اللهم موية الجنين فيها زياده والارجل ع كلام الاهلي اصغر ب 3اسابيع من مقاس الراس والبطن لاكن ان شاء الله خير مش مخيف يعني يمكن يكون وراثه عندكم احد قطعة صغيره بس قالت الي بالحكومي لازم تعيدي عندنا السونار نبغى نطمن ومدري ايش قلت شوفي اذا الله كتب ان مع الطفل قصور بالاطراف بيجي مثل ماالله خلقه واذا كامل بيجي بعد يعني اشاعاتكم ماتسوي شي الطفل وانخلق قالت لا لا لازم نطمن وتعرفون حمل السكر يولدون بطلق صناعي اول اسبوعين بالتاسع لازم قالت لازم نتهيا للولاده الحين انا حجزت بالحبيب سونار فور دي الي ملونه اتطمن واجيبها لهم لاكن انا الي مستغربته الطفل الين السابع وانا متاكده من خلقته الحمدلله انه كويس وحركته ومويته ليش الحكومي ترجع للورى للسونار القديم وتخوف ولاتراعي مشاعر الحامل صراحه كرهت قوى الامن عندهم عدم اتكال ع الله وتثبيط للمريض نفسي اولد باي حكومي ثاني لاكن وش الحكومي الي بستقبلني ناس نصحوني بالشميسي وناس نصحوني بمدينة الملك فهد الطبيه الحين ابي نصايحكم من جميع النواحي بنتظاركم
11
2K
يلزم عليك تسجيل الدخول أولًا لكتابة تعليق.
@shosho
•
ع فكره بالخامس مسويه السونار عند دكتوره شاطره غير دكتورتي اللي بالاهلي لانها كانت رايحه الحج وحبيت اطمن وطمنتني من ناحية الخلقه والمقايات والمويه يعني لو فيه قصور بيبان من الشهر الرابع والخامس والسادس صح او لا جننوني هالحكومي
@shosho
•
يعني وش هالقصور الي بدى من السابع مادخلت مزاجي الطفل قد انخلق عظامه من الشهور الاولى الي تتاخر الين التاسع ماتنمو بالعاده الكلى والرئه والجهاز الهضمي !؟ صراحه احترت وقلبو راسي رغم اني الحمدلله راضيه بالمكتوب بس يجننونك بكثر الكلام
توكلي على الله مو شرط كلمهم صح انا في بنتي خوفوني وطلع كلامهم كذب الله يرزقنا وياك الذريه السليمه المعافاه
الله ير
الله ير
@shosho
•
توكلي على الله مو شرط كلمهم صح انا في بنتي خوفوني وطلع كلامهم كذب الله يرزقنا وياك الذريه السليمه المعافاه الله يرتوكلي على الله مو شرط كلمهم صح انا في بنتي خوفوني وطلع كلامهم كذب الله يرزقنا وياك الذريه...
آمين الله يجزاك الجنه على دخولك وتطمينك لي انشهد انهم موسوسين بزياده
الصفحة الأخيرة