مشكلتي مع نفسي

الأسرة والمجتمع

مساء الخير بنات حواء .. راح ادخل في الموضوع على طول وبدون مقدمات لاني اكرهها ...
انا عندي مشكله احس اني ما اقدر استمتع بحياتي .. اوقات كتيره اكون في قمة السعاده وفجأه اتزكر شي يخليني اكتئب .. وعلى طول حالتي تقلب .. واوقات اقول لا انا حأتغلب على كل شي واطنش واعيش حياتي لكن القى نفسي لا شعوريا افكر في الشي اللي مضايقني وارجع لحالتي من جديد :( دائما احاول اتحاشى المشاكل لكن القى نفسي داخل مشكله اكبر .. اغلب الوقات اتنازل عن اشياء كتيره عشان اخلي الحياة سلسه وسهله لكل اللي حواليا ... لكن اكتشف في الاخير اني باطلع غلطانه او انو الطرف التاني شايل في قلبو عليا .. انا انسانه صريحه جدا لكن مع مراعاة شعور الاخرين ... ولكن احب انو لو في احد زعلان مني يقوللي ما يسكت ويكتم .. وفي النهايه يقوللي ( انا مستحمل وساكت ) او (راجعي نفسك وتعرفي غلطاتك ) او ( خلي الطابق مستور ) اكره الجمل هادي واتمنى لو انو قاللي غلطي بدل دا كلو كان اهون عليا .. وكتير تسير معايه انو يتفسر كلامي او تصرفي غلط .. وبالزات من زوجي دائما يفسر تصرفاتي وتنازلاتي على انو لئامه او اني اخفي شي من ورا دا كلو ... مع اني والله اكون صادقه في كل شي باقدمو له ولغيرو ... انا احب الحياة تكون مثاليه ادري انه من المستحيل تكون كده ولكن الحمدلله قادره اتأقلم معاها في كل حالاتها ... ولكن صدمتي في الناس اللي حبيتهم بكل معنى الكلمه ووفيت واخلصت لهم كانت كبيره ... واثرت على حياتي كتييييييييير ... كنت اشوف زوجي شي كبير وعظيم ولو قاللي على الاسود ابيض اصدقو ... لكن اكتشفت انو بيكزب عليا كتير وخانني اكتر من مره الين احس انو ما بقي فيا حيل اسامح .. ولا قادره اطنش احس اني باموت في اليوم الف مره .. الشك والغيره بتدبحني ولكن ما اقدر اصارحو بشي .... تعبت نفسيا ... ما اقدر اشكي لاحد من اهلي او صاحباتي ... يا ترى هل الغلط فيا والا في اللي حولي ؟؟؟؟؟ اتنى تجاوبوني بكل صراحه وانا ماراح ازعل من صراحتكم ابدا .... واشكركم مقدما :26:
7
1K

يلزم عليك تسجيل الدخول أولًا لكتابة تعليق.

تسجيل دخول

HGLSJF]I
HGLSJF]I
والله مدري يااختي
بس شكلك طيبه ومشيه الامور ومنتي معقدتها

الله يفرج همك ويسخر لك زوجك ويسر امرك يارب
اميرة العصور
اميرة العصور
الله يعينك
متفائله وحزينه
اقري موضوع امل فن صناعة السعاده وحتلاقي الحل لمشكلتك فيه من جد موضوع اكثر من رائع انا عن نفسي استفدت منه كثبر وترى حالتي قريبه من حالتك مرررررره وكل ماحسيت بضيق ارجع اقرى هذا الموضوع موجود في القسم الاجتماعي
نجمة كريستال
نجمة كريستال
معليش حبيبتي هونيها وتهون كأنك تتكلمين عني فعلا أذا صرت سعيدة ترجع ذاكرتي لشي مضايقني والناس فعلا أحس أني صريحة مع الجميع بدون ماأجرح لكن أتفأجاء أنهم ماخذين عني فكرة أني شريرة ماأدري ليش؟؟؟ لكن الحمد لله على كل حال وأهم شي ربي عالم بالخفايا
sara6600
sara6600
انا تجيني زي حالتك كثثثير الله يعينا