السلام عليكم
انا اول مره اشارك في حياتي بمنتدى او حتى اسجل
فعذروني على ردائة التنسيق
يمكن الظرف اللي انا فيه واني محتاجه اي احد يقولي وش اسوي لاني والله انهرت الى حد اني هان كل شي بعيني بس ارتاح
مصيبتي وعلتي ومشكلتي امي ...اي والله امي ..
من كنت صغيره ما عمري حسيت ان عندي ام ...من عمري 7سنين كنت اشتغل بالبيت وحتى يوم كانت نفاس انا وربي اللي اقوم فيها والله ما امن اني اخدمها اضل اقول هذي امي ....طبعا كبرت وانا خدامه بس بعد ما كبرت صرت خدامه لامي وخواتي
والله كل مره اقول عشان ربي ومهما كان هذولا اهلي ...بس وصلت ان الوضع بدى يتغير ...امي كرهتني بكل شي اي شي زين علي تسبه اذا ابوي عطاني مصروف تزعل وتكرهه بي لين ما عاد يعطيني صرت ادخل عليها الا هي تكلم بالتلفون وتسب فيني اني ما انفعها
ورب البيت ما عمري شكيت تصرفاتها معي لاحد ...كبرن خواتي صارت عصابه علي لان هن مدينات ويصلن كثير بس انا لا بس الفرض ...صارن انواع الخطط عشان ينكدون علي والله العظيم اني سمعت امي تتفق مع خواتي تتصل على عمتي وعيالها كثير عشان يجون بس انا ما ادري عشان اتفاجاه بجيتهم ولا اقدر اذاكر لان كان عندي اختبار السبت والله ربي الي خلاني امر واسمع وصدق جت عمتي وسهرو وتعشو وكله على ظهري خواتي تزينن وقعدن والله كل شي انا وامي تسولف لعمتي ان خواتي توهن اللي قعدن من اليوم يرتبن البيت وربي ما لمسن شي ....والله برمضان انهن يقومن على لفطور والسحور بس يا نايمات يا يصلن وانا اللي اسوي كل شي ...وكل مره ابنفجر اقول لا ياربي هذولا اهلي هذي امي وهذا ابوي ما ابي اغثهم من بيسوي الشغل اذا ما سويته ما كنت احس اني اسوي شي كبير ...بس والله كنت استغرب ليه يسون بي كذا ....تخرجت من الجامعه وانا على نفس هالوضع امي تكرهني وانا والله من ربي ما كنت اشوف اسائتها كنت ارجع لها بس هي تصدني ....قدمت على وظيفه وطلعت لي والله العظيم انها خلت ابوي يروح يلغي لي الوظيفه تقول خلها تشتغل تقوم فيني انا ابولد من بيقوم فيني اذا توظفت وصدق راحت علي الوظيفه وقعدت اقوم فيها ....بعد سنيتن قدمت وطلعت لي وظيفه وربي سخر ابوي مشيت فيها ...والله من توظفت ما عمري قطعتها اعطيها واحرم نفسي جبت لها شغاله اعطي خواتي مع انهن ما يدانيني .........بس والله اقول عشانك ياربي ..... اللحين لي 9 سنين بالوظيفه ولا تغير شي اعطيها وتجحدني وتدعي علي صرت مسفره 3شغا لات عشانها فجاه تقول ما عجبتني اطرديها الله لا يوفقك جبتي لي شغاله والله مدري من اشكيها عليه ........امس ابوي جاني يخانق يقول انتي عاقه وامك تشكي منك ما تعطينها والله ودي لو اني ميته قلت والله ما عمر ي قطعتها بس ما اعلمك ليه اعلمك انا اسويه لا الله قال والله انها تحلف تقول ما اشوف منها ولا ريال ....يوم ابوي قالها قعدت تدعي تقول ايه ما اشوف منها ولا ريال والله بغيت اطيح من طولي ...وابوي صدقها....حياتي جحيم سبتها بالبيت وبرى البيت فضحتني بالناس تمشي وتسب والله مدري لمن اشكيهاولا ادري وش اسوي معها والله فكرت اسممها ولا اسمم نفسي وارتاح المصيبه انها تصلي كثير وتصوم كثير والله كرهتني بدين ربي والله اني دايم اقول ياربي لا تفتني فيها
مي الايدا @my_alayda
عضوة جديدة
يلزم عليك تسجيل الدخول أولًا لكتابة تعليق.
الحجازيه999
•
ياليت امى عايشه واخدمه بعيونى الله يرحمك ياامى
لالا حرام عليك ...خذي اجرها وخلك الاحسن ذي امك جنتك ونارك بكرى تموت وتندمين مو على بالك بتفرحين
لالالالا اختي حرام عليك مهما كان بس هذي امك ويمكن انتي تتنرفزين بسرعه عشان كذا امك تحقد تحمليها وبري فيها
انا حاسه فيك بس مهما كان هذي امك وانتبهي ترفعين صوتك عليها
انا حاسه فيك بس مهما كان هذي امك وانتبهي ترفعين صوتك عليها
ياليت امى عايشه واخدمه بعيونى الله يرحمك ياامى
اسغفرى الله كثير وادعي ربى يسخرها لك وبتشوفي العجب
اسغفرى الله كثير وادعي ربى يسخرها لك وبتشوفي العجب
الصفحة الأخيرة