السلام عليكم
ولدي ذكي جداً اسم الله عليه وما شاء الله
بس مشكلته بريئ مرررررررره
مو عارف يتعامل مع اللي حوله
قلت قبل لا يدرس اذا درس واختلط بالمجتمع راح يتعدل ويستوعب التعامل معهم
بذات اننا بمجتمع ملكع بشكل فضيع ):
يعني مثل اليوم جاني قال تعرفين ايش ابغى لما اكبر
قلت وش ؟؟ قال طبااخ ):
ضحكت لما قالها .. و زعل قال ليه الكل يضحك علي !!؟؟؟
قلت من ضحك ؟؟ قال اصدقائي بالمدرسة لما سالنا الاستاذ وش تبون تصيرون اذا كبرتوا ؟
مع انه اسم الله عليه ذكي بشكل ,, الحروف عرفها وحفظها وهو بعمر السنتين ونص
بالمدرسة ما يتعبني بسرعة يحفظ ويفهم ,, حتى الرياضيات يحلها بسهول بدون مساعدة مني
بس اذا جاء من المدرسة وسالته وش سويت يقول امشي الحالي و تفسحت الحالي
من المواقف بعد .. مره سالوه عيال من جمعتنا ,, تتحمل الحرق ؟؟ قال ايه انا اتحمل
وصاروا يولعون الولاعه يحرقون يده ): لين صار فيها كذا حرق
ولا بكى علشان يثبت لهم انه قوي .. لما جاني ولد اختي وقالي بغيت انهبل ):
لما شافني جايه لهم قال شفتي ما بكيت .. وربي اني بكيت لن صدع راسي
ما ابيه يكون ساذج الى الدرجه هذي
وش اسوي وش تنصحوني
تتدرون احيانا اخاف ان اللي فيه توحد ):
مع العلم هو ولدي الوحيد عندي بنتين غيره وحده اكبر منه وحده اصغر منه
وش رايكم يابنات ؟؟
يلزم عليك تسجيل الدخول أولًا لكتابة تعليق.
! سهام الليل !
•
سبحان الله و بحمده
حركاته عاديه وطفوليه بس انتي مكبره السالفه وتددققين لاتوسوسين
خليه على طبيعته وطفولته واغلب الاولاد حركاتهم كدا يسون حالهم قدام اصحابهم ولاتبينله انك خايفه عليه او مايعرف يتصرف ترا بيتاثر وبتهتز ثقته بنفسه
و على الاختلاط مع الوقت بيتعرف ويصير اجتماعي بس اصبري عليه ونمي مواهبه وازرعي فيه الثقه بالنفس وركزي على دراسته وامدحيه كثير واعطيه مهام بالبيت ينجزها وخليه يتحمل مسوؤليه مثلا ارسليه للبقاله او مخبز او يطلب من مطعم وامدحيه قدام ابوه انه رجال ويعتمد عليه والله يوفقه
خليه على طبيعته وطفولته واغلب الاولاد حركاتهم كدا يسون حالهم قدام اصحابهم ولاتبينله انك خايفه عليه او مايعرف يتصرف ترا بيتاثر وبتهتز ثقته بنفسه
و على الاختلاط مع الوقت بيتعرف ويصير اجتماعي بس اصبري عليه ونمي مواهبه وازرعي فيه الثقه بالنفس وركزي على دراسته وامدحيه كثير واعطيه مهام بالبيت ينجزها وخليه يتحمل مسوؤليه مثلا ارسليه للبقاله او مخبز او يطلب من مطعم وامدحيه قدام ابوه انه رجال ويعتمد عليه والله يوفقه
مدري والله
يمكن من كثر خوفي عليه ):
على العموم بيض الله وجهك دنيا واخرة واصلح لك ذريتك
يمكن من كثر خوفي عليه ):
على العموم بيض الله وجهك دنيا واخرة واصلح لك ذريتك
الله يخليه لك
انا اخوي كان هيك لانه بين بنات كان كل لعبه معانا وماعنده اصحاب
بس كبر خلص يغير
تراه اللحين متزوج وعنده اولاد
عقبال ماتشوفي ابنك
انا اخوي كان هيك لانه بين بنات كان كل لعبه معانا وماعنده اصحاب
بس كبر خلص يغير
تراه اللحين متزوج وعنده اولاد
عقبال ماتشوفي ابنك
الصفحة الأخيرة