مشكلتي مع ولدي وولد عمه..

بسم الله الرحمن الرحيم
السلام عليكم ورحمه الله وبركاته
كيفكم يابنات
***** الله بخير

بشكيلكم همي مع ولدي وولد عمه

ولدي بأول إبتدائي وولدعمه كبره

المشكله إن ولدي متأثربالحيل بولد عمه بمشيته بطريقه كلامه بكل شي
مجرد مايشوفه سبحان الله تمسح شخصيته
ولد عمه مشاغب وشري وصاحب مشاكل وولدي يقلده
أنا ببيت لحالي بس هالولد دايم عندنا حتى إذا طلعنا للسوق ولا للبر معانا وأمه ماتسأل عنه :icon33:
ولدي صار يكتسب منه صفات مو به
والمشكله إذا إجتمعنا أقصد زوجي وأمه وأخوانه وحريمهم حطو الللوم على ولدي بكل شي
أنا مابري ولدي بس إذا سافرت لهلي بالعطل يتغير ولدي يصير هادي معن بيت أهلي مليان عيال بعمره بس يلعبووون ألعاب حلوه

حاولت أبعد ولدي عنه وشريت له بلاستيشن بس ماقدرت ولد عمه يجينا من مايصحا ولا يروح إلا عند النوم
ومره طق الباب وفتحت له وقلت رح لهلك ولاعاد تجي هو راح ما قال شي بس ولدي جنني وقعد له صياح هستيري ويركض هنا وهنا لدرجه إني ظربته وقفلت عليه بغرفته

ومن بكرا جا الولد :angry::icon33:

زوجي مو قايل شي بالعكس متظايق منه بالمره بس يقووول ماأقدر أقووول شي مداراه لشعور أخوووه
يقول إنتي كلمي أمه
أنا ماقصرت لمحت لها أكثر من مره حتى خالتي لمحت لها بس يسون روحهن مو فاهمات

الولد كذاب ويسوي حركات مو حلوه وكلام مو زين
مره كنت عند أمه وقلت ماشأء الله عليك ماتدرين ولدك كلا ولا لا؟

قالت أدري تغدا عند أجداده تقصد أهلها وهو كان متغدي عندي........
ولما جاء سألته قدامها قلت وين تغديت قال عند أجدادي قلت وتكذب قال إنتي كذابه إنصدمت تخيلو وأمه ما قالت له عيب ترد ع عمتك كذا
ولما رجع معي للبيت قدام زوجي سألته قلت ليش تكذبني وليش تكذب على أمك قال أنا ماقلت شي قلت ماسألت وين تغديت قال لا
تخيلو طلعني كذابه قدام زوجي تمنيت إني أظربه بس ماقدرت
لا والسوالف معاااه كثيره هذي تافهه

طولت عليكم
بس والله مدري وش أسوي
قوووووووووووووولووولي وش أسوي:icon33::icon33::icon33:


أستغفر الله وأتوب إليه