دودا الأمورة @doda_alamor_1

محررة فضية

مشكلتي ملابسي

COLOR=blue]بنات شوفولي حل من هذه المشكله تعبت منها
انا والحمدلله ذوقي حلو في الملابس وكل شيء البسه يعجب الناس هذا من فضل ربي
وكل ما البس شيء يدخل مزاج بعض صحباتي وقريباتي وبعد كم يوم استقبل الا تصالات
والله العظيم مو مبالغة والله اني صادقه في كل شيء اقوله
المهم الاتصالات ايش مطلبها( الووووو فلانه بغيت اقولك اللبس الي كنتي لابسته ذاك اليوم في العزيمة ابيه ابي البسه في سهرة عند اهل زوجي)
الاتصال الي بعده طبعا هذه شوي مؤدبه تالف حكايه(والله جاتني عزيمة فجاء وماني عارفه ايش البس ياريت تعطيني الفستان الي عندك)
والمشكله ان بعضهم مجتمعنا واحد يعني الناس يشوفوا اللبس حقي عليها ولا يهمها
اول كنت اجامل واحتسب الاجر واقول معليش المسلم يوسع على اخوه المسلم
لكن بعدين ماقدرت امي صارت تهاوشني تقول انا اشتري وصحباتك يلبسون
ويابنات الكل الحين صار يلبس غالي ورخيص والماركات في كل مكان وبأسعار في متناول الجميع يعني ما يقدرو يشتروا ويلبسو على الاقل اسمه لبسهم.. قولولي ايش اسوي والله ان بعض ملابسي بذيك القيمة يعني غاليه تخيلو وحده عطيتها بنطلون رجعته الوانه فاصخة على بعض من الغسيل والثانيه شقت التنورة من تحت تقول مشيت عليها بالكعب وما درت..
هذا ومو بس الملابس حتى وانتو بكرامه يطلبون الجزم والشراريب
والساعات والشنط يعني الوحده لمل تطلب مني صارت تطلب اللبس مع شنطته وجزمته واكسسواراته
انا خلاص ما اتحمل شورو علي ايش اسوي:06:COLOR]

يلزم عليك تسجيل الدخول أولًا لكتابة تعليق.

تسجيل دخول

الأمل المضيء • 20 سنة

حبيبتي دودة الأمورة
أنا بغيت اقولج شغلة
أصابع يدك مو وحدة ياقلبي وبعدين الطيبة الزايدة ماتنفع هالأيام
والله إذا بغوا مثل لبسك أوكي لكن انهم يلبسون لبسك لا لأن بجد مو بزين الواحد يلبس حق غيره
لو وحدة طلبت منك لبس
والله قوليلها الوالدة هاوشتني وانا ماأحب احد يلبس بعدي تبين تخيطين مثله أو تشرين مثله ماعندي مانع
وصدقيني هذا بلاء من الله قد تكوني أسرفتي في شي معين والله عز وجل ابتلاك فيه
أشكري ربك على نعمه دائما وأبدا وان شاء الله مايصير إلا الخير
أتمنى لك التوفيق أختي :24: :26:

am melaf • 20 سنة

حبيبتي بكل بساطه قولي
(امي رافضه وهاوشتني يوم شافت التنوره والبنطلون)
حتى لو ما كنو هم الي اخذو التنوره او البنطلون خلي عذرك امك
ولا يهمونك والي مايستحي لا تستحين منه

والله حاسه فيك اختي في النوي نفس مشكلتك بس الي يطلبونها زميلاتها مو من جماعتنى
اول مره قالت عادي وحتى احنى خواتها شجعناها قلن مومكن محتاجين
بس بعدين تمادوو يطلبون فساتين الزوجات والاكسسورات والجزمه الله يكرمك
ويرجعونها مبهذله
بعدين قلن لها قولي امي مو راضيه اعطي حتى خواتي المتزوجات تقول احنى نخسر وخلق الله تخرب

جربي وردي لنا
انشا الله تعجبك الفكره

دودا الأمورة • 20 سنة

الأمل المضيء مشكورة على مررورك فعلا كلامك صحيح انا مسرفه وكل اسبوع انزل السوق واشتري وهذ الي مخليهم يطلبون مني باستمرار حتى لما اسافر يقولون لي هاه وش شريتي لبس ...... الله يصبرني

am melaf : المشكله انهم مايعملون لي حساب بعضهم تكون زايرتني وتجي تفتح الدولاب وتاخذ الي تبغاه وتحرجني صعبه اقولها رجعيه امي ماترضى ومره لمحت اني ما احب احد يدخل غرفتي
تصدقين عاد حتى لما اكون عند وحده في بيتها اكون لابسه لبس يعجبها تروح تجيبلي بجامه او جلابية وتقول البسي هذا اريحلك عشان تبغلى اللبس الي علي......واذا مره نسيت عندهم شيئ ما يرجع لي الا بعد شهرين
على العموم بقوي قلبي واجرب نصيحتك مشكورة يامورة

loolo30 • 20 سنة

يااختي خليك صارمه معاهم وارفضي طلبهم واتحججي باي شي .لاوالله كل شي الا ملابسي مااعطيها الا اخواتي غير
كدا لا .وحتى اخواتي علشان انهم يمونون علي مااقدر ارفض لهم طلب ؛ولا عليه مااعطيهم .لا تقولو عليه انانيه لا والله بس الواحد يخاف من الامراض (قل مايصيبنا الا ماكتب الله لنا ).
اتمنى لك التوفيق:26: :27: :26:

ماوية • 20 سنة

حياك الله اختي الكريمه ...

الناس انواع ...

منهم من اذا اكرمته واعطيته فانك تملكه .. ويحاول ان يرد لك جميلك ...

ومنهم من اذا اكرمته واعطيته يتطاول ويرغب بالمزيد .. ويرى ان عطاءك له امرا واجبا ..

فعليك ان تنبهي لهذه النقظه ... يعني صديقاتك مثلا طلبوا منك الملابس .. وارجعوها لك وبها عيب .. فهم لم يستحوا من هذا ... وانت في المقابل لازلت تستحين من ان تتحججي باي حجه ...

انت طبعا غير مرتاحه لتصرف صديقاتك وغير مرتاحه لتصرفك معهن ... لذلك الافضل ان تكوني اكثر حرصا في المرات القادمه ... ممكن تقولي ( والدتي لاتسمح لي )

يمكن تنحرجين في المرة الاولى لكن بعد ذلك لن يكرروا الطلب ..

ارجو ان تنبهي من لبس البنطال حتى امام النساء ... لانه يظهر مفاتن الجسم ... وقد افتى الشيخ ابن عثيمين بحرمته حتى لو كان فضفاضا ...

دعواتي لك بالتوفيق ..