مشكلتي منذ طفولتي هيه ... واريد الحل؟ ...

السلام عليكم ورحمه الله وبركاته
بدخل في الموضوع بدون مقدمات انا بصراحه ترددت واجد وانا انزل مشكلتي لكن لاني بلاقي الحل عند اخواتي في المنتدى الاكثر من رائع ..
مشكلتي التي اتعبتني كثيرا وضلت معي لعده سنوات ولم اجد حلا لها سواء بدخولي للمنتديات او قراءة الكتب وهي انني لمن اتكلم او اسولف مع اي احد احس ان كلامي مو مرتب ومو واضح يعني لمن اتحمس لموضوع اتكلم واتكلم واتكلم ولمن انتهي احس اني انا اصلا ما اني فاهمه شي ومن حق اللي قدامي ما يفهمني ومع كذا يزداد صوتي ارتفاعا من الحماس اللي مو في مكانه ويكون بعد الموضوع عادي تلاقوني اتحمس بشدة واعصابي مشدودة ولمن انتهي من الكلام احس بالندم الشديييييييد حاولت كثيرا ان اضل ساكته في مجتمع للاهل او الاقارب او حتى مع صديقاتي بالتلفون..لكن ما اقدر امسك نفسي لازم اتحشر مع كل سالفه وادخل نفسي لاني اقرا كثير واحب التطلع وعندي ثقافه ولله الحمد في اغلب الاشياء سواء تخصني ولا لا.. وكثيرا ما القى عتب من اختي اللي اكبر مني لانها رزيييييينه ولمن تتكلم يكون كلامها واضح ومحدد ومختصر لاكن للاسف تزوجت وما لقيت من يوجهني ..
طبعا انا اصغر العنقود؟؟
والوحيده مع امي وابوي اللحين ..يعني وحيده في البيت واحس بضييق شديد في صدري رغم انني احفظ القران واصلي ولكن شخصيتي تسبب لي ضيقا وتفكيرا يؤلمني وامي مدللتني كثييير ما ادري هل الدلع الزايد سبب في ذلك؟؟؟
آسفه للاطاله لكن لو ما وجدت رحابه قلوبكن لما كتبت حرف واحد
اختكم في الله
الليمونه الحلوة..