السلام عليكم
بنات انا ضايقه فيني الدنيا ابي افضفض واستشيركم بشغله
يقولون ماخاب من استخار وماندم من استشار ,,
انا وحده انخطبت من قريبي من سنه تقريبا
المشكله اني ماابيه ومو طايقته واهلي مصرين عليه << اهلي اقصد ابوي طبعا :06:
ابوي انسان تفكيره قديم شوي يعني ماعنده تفاهم كل شي يبيه غصب وعلى مزاجه :(
ممكن يهتم للناس اللي برا ويجاملهم ويعطيهم اللي يبون لو على حساب بناته :06:
ماعلينا نرجع لموضوعنا
انا سبب رفضي كله منطقي ولاسباب مقبوله اهمها دينه واخلاقه مو مضبوطه
بس ابوي ماعليه من دينه اهم شي انه من الجماعه :06:
لي سنه الحين لاقدرت اقنعه ولاهو قدر يقنعني
بنات انا مو طايقته لااسمه ولاسيرته ولا اي شي يخصه
ولو بيزوجوني اياه غصب والله العظيم وشوفوني حلفت مااجلس عنده ولايشوف ظفري
بتطلق بتطلق مافيها كلام
لانه مستحيل شخص تكرهينه بشكل فضيع بتعيشين معه كزوجه !
ممكن تتعايشون بأي صفه الا زوج وزوجته !
غير كذا عنده مرض وراثي بعايلتهم وهو قريبي يعني مليون بالميه بيجي بأولادنا
خواته كلهم متزوجات قرايبهم واولادهم معاقين الله يشفيهم
تهورت مره وجتني الجرأه وقلت لابوي هالشي وانه وراثي وكذا وضحك علي تخيلوا
وتطنز وماخلى سبه ماقالها لي :06:
الحين بنات شسوي ابي حل يخلصني منه طبعا بدون ابوي مايدري
لان ابوي خلاص فقدت الامل انه يوقف معي ويسمعني
امي للأسف أبوي مايسمع لها اللي يبيه يسويه ويحط ان امي تبي تخربنا ولاتبي مصلحتنا
ماعندي اخوال وعمام ولااخوان كبار ممكن يحلون هالمشكله بتدخلهم
فكرت بفكره بس ماادري اسويها او لا يبي لها جرأه
قلت اشاوركم
قريبتي تمون على هالرجال اللي خاطبني
اقولها تكلمه وتقوله اني ماابيه وكذا ؟
مااعرف شقولها قولوا لي الكلام اللي اقوله لها عشان تحن وترحمني وتفرج عني
بس اخاف تقول لابوي ثم الله يستر وش بيسوي لي اذا دراا :06:
عادي اقولها لاتقولون لابوي ؟
طيب انا ماابي اشوه صورة ابوي عندهم وابين معاملته لنا كيف اجيب لها الموضوع
بنات حطوا نفسكم مكاني وقولوا وش بتسوون
الله لايحطكم بمكاني امين يارب
وقسم بالله حياتي صارت كآبه ماتتخيلونها
صرت لما اسمع احد مات اقول ليتني مكانه :(
بنات لاتقولون حاولي تتقبلينه يمكن بعد الزواج تحبينه بقولكم انا اعرف نفسي
اذا كرهت كرهت مستحيل بتقبله
وابوي طبعا مافيه امل ارجع اناقشه من جديد لاني اعرفه مستحيل بيقتنع
شسوي قولوا لي اللي شاطره فيكم بحل هالمشاكل تساعدني
حتى لو بدعوه بنات ادعوا ربي يفرج عني
انا مشاركاتي قليله ماراح اقدر ارد عليكم بسرعه تحملوني لو تأخرت شوي بالرد
ماعليه الكلام ملخبط بس تحملوني :(
أحلام بعيده جدا @ahlam_baaydh_gda
عضوة جديدة
يلزم عليك تسجيل الدخول أولًا لكتابة تعليق.
لانصيحه لا تخلين احد يكلمه
بكره ابوك يسأله ليش هونت يقوم يقوله بنتك ماتبيني
واذا هو ماقاله بتطلع عن طريق الحريم
احسن شي الإستخــــــــآره والدعاء
ماتدرين كيف ممكن الإستخاره والدعاء تغير في الموضوع بشي في صالحك
بكره ابوك يسأله ليش هونت يقوم يقوله بنتك ماتبيني
واذا هو ماقاله بتطلع عن طريق الحريم
احسن شي الإستخــــــــآره والدعاء
ماتدرين كيف ممكن الإستخاره والدعاء تغير في الموضوع بشي في صالحك
لانصيحه لا تخلين احد يكلمه بكره ابوك يسأله ليش هونت يقوم يقوله بنتك ماتبيني واذا هو ماقاله بتطلع عن طريق الحريم احسن شي الإستخــــــــآره والدعاء ماتدرين كيف ممكن الإستخاره والدعاء تغير في الموضوع بشي في صالحكلانصيحه لا تخلين احد يكلمه بكره ابوك يسأله ليش هونت يقوم يقوله بنتك ماتبيني واذا هو ماقاله بتطلع...
وسمعت المطلق يقول ان الاستخارة تبان من الاحداث اذا تيسر الشى فهو خير واذا تعسر فهو شر
الله يريح بالك
الله يريح بالك
وحده من صاحباتي قصتها تقريبآ مثلك ابوها ملك لها على واحد من جماعتهم وابوها ما عنده ترفضين وكانت تقول لي انا مو مرتاحه له قلت لها استخيري وادعي ان الله يصرفه عنك اذا فيه شر لك وسبحان الله ما كملت كم شهر وسافر خطيبها افغانستان ومات والحين هي متزوجه وعندها اطفال ومبسوطه
صلي وادعي واستخيري والله يكتب الي فيه الخير
صلي وادعي واستخيري والله يكتب الي فيه الخير
ادعـــــــــــــــــــي الله لانه هو الوحيــــــــــــــد اللي يدري وش راح يصير لك....
واكثـــــــري من الاستغفار "لان من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب"
والله يوفقك ويكتب لك كل خيـــر"""
واكثـــــــري من الاستغفار "لان من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب"
والله يوفقك ويكتب لك كل خيـــر"""
الصفحة الأخيرة
لاتقولينه لانك تقولين اخلاقه مو حلووو فبياخذك غصب وبيعلم ابوك اذا قالت له قريبته
تبين نصيحي
الدعاء يرد القضاء
ادعي ليلك مع نهارك ان الله يكتبلك اللي فيه الخير
واذا فيه شر يصرفه عنك
وصدقيني هذا الحل الوحيد اللي بيدك
الــــــــــــــــــــــدعـــــــــــــــــــــــاء