تصدقون يابنات توقعت بس مشكله اعانى منها بس طلع فيه بنات كثار مبتلين بهذا الابتلاء العظيم
بس انا ارحم شوي كانت<< فعل ماض مثل صدقيتى واكثر وكل شي اقوله لها وهي ماتقولي ولا تفتح قلبها لى وكانت تحرضنى على كره صله الرحم ماكنت اجادلها او ابين لها انها على خطا كنت اسكت
لان ماينفع معاها الصح
بس تغيرت للأسوأ لما بدت علمات الرشد والبلوغ عندى وبالنسبه للي تسال ليش ماتسالينها انا سالتها
وقلت لها انا بهالعمر المفروض تكونوين مهتمه فينى اكثر مو تهملينا فيكون جوابها ليش انتم جهال
عشان اهتم فيكم واشياء معنويه اسالها عنها ماتجاوبنى عليها فيها نذاله وتهتم ببنات الجيران والي
يدخلون مزاجها وبنتها لا مع العلم انها تدرى ان بنتها اولى بس ماتبي
والي يعقد أكثر اننا ماغلطنا فيها وان انا اكثر وحده أحس بمشاكلها وشايله البيت كله فوق راسى وحاطتها فوق راسىواكثر وحده تخدمينها ومع هذا كله مايكبر بعينها شي بس الله يصبرنا ويفرجها ومصيرها بتعرف انها غلطت ولو بعد سنيين بس كيف تقسي على بنت لها وفي اشياء كثيره اللامعقوله
من معاملتها لي ماتنكتب واذا انكتبت فما تصدق او تتوقعون نبالغ فيها فالشكوى لغير الله مذله ربنا كريم
ومع العسر يسرا ان شاءالله
بالنسبه للي متزوجه فاعالاقل طلعتى ولج حياه ثانيه بس الي للحين مهانه عند الام القاسيه لا وترفض
كل من يطق الباب بدون استشاره البنت فهذى الي الله يعينها وغير هذا تقول عنها عانس عبالها بتحطمها والله شر البليه مايضحك اصبرو يابنات بس والله يابنات ارتحت صدق من قال الي يشوف مصيبه غيره تهون مصيبته وانا والله يابنات اقرا الموضوع وماحس باى شجون او حزن السنيين خلت
الدموع تجف من كثر ماانهارت الحمدلله على كل حااااال ولايأس مع الحياه قدر ومكتوب من قبل لانولد
بس حاولو تشتكون للمقربين لكم من اهلكم اذا تبينها تساعدج دام الاهل مايفيدون بس يعذبوووون
لان مثل مافضفضتى اهنى وارتحتى صدقينى راح تنحل المشاكل كلها بالتدريج مع ناس تعيشين معاهم
والافضل لاقرب جاره لامج اذا تبين مشكلهتج معاها تبينها تنحل على الاقل تفهمها لان لكل ام جاره رفيجه عزيزه عليها حيييييييل
بس لازم تكون الجاره طيبه مو الى من اهل المصالح الى همها مصلحه نفسها وبناتها على حساب غيرها ومافي مشكله مالها حل بالاراده ثم الاراده تنحل جميع المصايب والصعاب طبعا انا استخدمت الخيار الاول لان الثانى صعب اخاف تتزاعل معاها ولا كيف عرفت ان بناتها قاسه عليهم وتقول انى فضحتها وانى وانى تعرفون دائما الكباريقولون احنا صح حتى لو انهم خطا بخطا ولان الخيار الثانى نص اهلى يدرون ان الوالده ماتهتم ب صله الرحم ولا همها الا نفسها والي يعجبونها اى يدخلون مزاجها وبس

اخت فجر111
يمكن يكون كلامج سليم انا بنت البكر وابوى يعزنى وكل مامدحنى عندها تعصب بس مااعتقد غيره
لانها ماتحب ابوي الحب الي يصل للغيره
بس شنو ذبنها انها البكر وتصير اشد اعدائها ؟!

والله خواتي كلامكم ذكرني صديقتي امها تعاملها نفس المعامله هذي مع انها الحمدلله ملتزمه وعاقل وهاديه يعنى ما اظن انها تقل ادبها او تغلط ومع ذلك امها تتصرف تصرفات غريبة كأنها تنتقم من بنتها

أكثرن من سؤال الله المغفرة لهن عسى الله أن يغفر لهن وأن يتوب عليها من هذي التصرفات التي تؤذي استقرار الاسره ككل ,واصبرن وتحملن وادعين لهن بالصلاح والهدايه

وتصرفات ام صديقتى بالفعل غريبه ومؤلمه /

يعنى اذا فصلت ملابس لمناسبه او عرس راحت وقطعتهم واذا راحوا العرس اهانات وشتم جدام خلق الله ,,وحتى اللابتوب مالها كسرته ,,مع ان ما عندها انترنت اصلا ماخذتنه عشان الجامعه
وهي المسكينه صابره ومتحمله وتحاول تتجنب النقاش عشان ما تخسر رضى امها ,لدرجه انها اول راتب استلمته راحت واشترت عشا لأخوانها وعطت جزء من الراتب لأمها لكن امها ردتها وما رضت تأكل وقالتلها ما نبي شي منج ..زعلت كثير عليها حسيت انها تتعمد تجرحها وتكسر بخاطرها .حتى انا اللي صديقتها ما سلمت تحاول تبعدني مع ان نحن اصدقاء طفوله يعنى اروح تسكر الباب بويهي :eek: بس اتحمل عشان خاطر صديقتي لانى احبهاااا

أسأل الله تعالي بأسمائه الحسنى وصفاته العلى أن يجزيكم خيرا انتم وصديقتي عن امهاتكن وصبركن عليهن,, وأن يجزل لك المثوبة والعطاءوأن يبيض وجهكن يوم القيامة,, وأن يصلكن بوصله,,وأن يتفضل عليكن بمزيد من فضله وكرمه,, ويهدي امهاتكن وأن يملأ قلوبهن محبة لكن,,

اختكن
عــــــــــــــــــــود

الحال من بعضه انا امي مهملتني من يوم كانت بالنفاس
تدعي علي
تعاملها معي غير
تتعامل مع اخواني احسن معامله اما انا الله يخلف علي ان شالله
صرت اكررررهه كره غريب
الاخت اللي تقول ان هذي الام اقولك وانا كمان بنتها والبكر
اللي يده بالنار مو مثل اللي بالماي
ذقت المر بحياتي صرت اشك انها امي
تذكرني بالشين عند الناس
عمرها مادعت لي
الصراحه تفأجات انه فيه احد مثلي بس ما اقول الا ان الله مع الصابرين
الله يخلف علينا ويرزقنا بالزواج الصالحين
يارب امين

السلام عليكم ورحمة الله وبركاته
انا وايد اسمع عن هذي المشكله انتو يمكن اهون بنسبه لمشكلة ربيعتي الي هي رفيجتي
توصل انها تطردها من البيت بس هي متزوجه ولا عندها في البيت اهي وابو البنت شارطين انها تتزوج بس تسكن عند امهاا ومثل ماقلتو ابوهاا من صغرهاا يحبهاا وينفذ الي تباه البنت حتا لو عارضت الام
ومن هذي يمكن كرهتهاا لدرجة انها ايام خطوبتها تزاعلت مع بنتها والسبه المهر تبي تاخذه من البنت
واهي تاخذ المهر وهي الي تختار لها حتا البس والبنت مارضت ومن يومها المشااكل من قبل بس
صارت تحس بعد ماتزجوت لدرجة انهاا تمن عليها بل الاكل وتقول تحمد الله نئكلج
واذا زوجها زوج البنت جاب اكل البيت تقوله ليش ومادري شو تعذب ولاتيب مجاملات حتا ربيعتي تتعذب من مجاملاتها وصار عندها بل البيت ومنعزله حتا زوجها حس بئسلوب الام وتذم زوج بنتها لما يروح قدم بنتها عذب عمره وايد جاب ليته بس ماجاب شي حتا البنتع تحاول تصرف على البيت مع انه زوجها على قده ويصرف على امه وخواته ابوهم متوفي فوق هذا ماتعذرنا واذا جبت ماتمدح الي اجيب
مع انها تحط بل البيت اكثر من الام والام مع عياله ماتهتم كله نفسها اسهم ما اسهم وهي مطلقه
والبيت اخر اهتمامها تجيب لهم الاكل وتجي فترات تسلف من بنتها بس عشان تجيب اغراض الامطبخ وغير كذا تقول لها وانتي جايه جيبي وجيبي ماعندي فلست
وياليتها تعاملها بحترام والله ماني جادره اوصل لكم معناتهااا تطرد شبه يوم من بيتهاا روح عند خالتج
وتعايرهااا بكل شي جدام الحريم تكذبها من كثر كرها واذا جت بنتها مع جلست حريم تطفشها وتقول لها تموت في سوالف الحريم تنسا كل شي حتا ولدهااا سيري سير شوف ولدج اكليه اي شي شله من عندنا ازعاج واااااايد اشيااء والله اتعاطف وايد معها طرد من البيت وتفشيل عند الحريم وحتا تذمها جدام زوجها تبين له انها مهمله وماتهتم وكسلانه ولاتهتم بشكلها كنها ريال جدام زوجها تخيلو بس زوجها مهون عليها يقول عادي خالتي احبها مثل ماهي بدون ذهب ولاحنااا والله دووووم تشكي لي حتا بنفسها ما اهتمت فيها بل العكس تسبها واذا تبي تسير الامطبخ تسوي حج عمرها شي تقول لا حتا الصحووون
تتحكم فيهم لاتطبخين بهذيلاا الي شوي غاليين وغير ابني لج مطبخ وفكينااا وخذ وخذ بس عشان ما استخدم شي من المطبخ حتا ولدها الصغير ماتئكله شي صحي كله معلبات لنه اذا سارت ويابت اغراض وهي تطبخ مو الشغاله وصختي المطبخ وكلام يجرحهاا انا اتعذب معها ماتستااهل ودها تطلع من البيت اليوم قبل بوكره بس ظروف ماكانت تسمح حتا انها اشتغلت ومافكرت تمسك ولدها وتوديه مشوار لين بيت خالتهااا تخيلو ام زوجها احن عليها وعلى عيالها ومره زوجها جاي من الدوام وقالت لمها تحطها عندها لين اي زوجهاا مو عندهاا عند خدمت امهاا وهي البنت راحت والام من العناد نادت الشغاله تشغلها في شي ودجت لبنتها تعالي ترا ولدج بروحه تخيلو موقفهاا البنت
حتا صارت البنت تغلط عليهاا من كثر فعايل امهاا تحاول تحسسها بلي تسويه فيهاا ماشي فيده تزيد
وغير انها اذا لقت ابو البنت الي هو مطلقها تذمه اذا ابو البنت بعيد وتباشي للبيت يقول خلي بنتج تيجيب
تقول بنتك ماجابت لعمرها قوطي حليب يعني افهم تشرب وتاكل وا اصرف .... بتروح تسوي لك اقامت خدامه هذيلا خلهم يئكلون عمارهم الاول وتخيلو البنت بصدفه مرت وتسمع وغير الي ماسمعته حتا خواتها الصغار يقولون ليش امي كذي ليش تزعلين امي خلاص عرفتيها لاتزعلين وتخلينا وتروحين غرفتج وصارو يقولون لها امي قالت وامي قالت عنج
يعني حياتها مع امه البنت مسكينه ادعو لهاااااا وتلقا بيت في اقرب وقت ويكون باب خير عليهم
ادعووووووووووووو لهاااا الله يوفقهاا وترضا امهااا عليهااااااا ياااااب