مشكلتي مو مشكله...

السلام عليكم ورحمة الله وبركاته:

حبيباتي انا عندي مشكله ومو مشكله

انا زوجي فيه عاده غريبه يحطني دايما امام الامر الواقع وما بستشيرني خصوصا اذا بيزورنا احد:44:

اليوم قلي ؤبيجو عنا جماعه من الاردن ويمكن ينامو عنا واحنا بنروح بيت اهلك ننام هناك
انا ما بعرف هدول الناس قلتله حاضر
اجا العصر يتغدا سالته متى جايين مارد قلتله يعني لازم يتغدو قلي لا
قلتله اذا بتجيبهم بدري لازم نغديهم عيب اول مره بشوفهم واول مره بفوتو بيتنا

طنشني ومشى انا عصبت:mad:..ورفعت صوتي وقلتله ليش مابترد علي كان في ايده حاجه ورماها قلي شو بدك

وسالته بدهم يتغدو ولا لا قلي لا ارتحتي انا ما بدي اغديهم
انتي نفسيتك مريضه ما بتحبي احد يزونا مع انه كل ضيوفنا بيجو عشاني مو عشانه انه عندو شوية جرأه بالذات مع المحترمين

ولحسن حظي هو راح الشغل بعد العصر بعد المغرب اجا عندي اخوه وزوجته واولاده وسلفتي التانيه ودتلي اولادها بدها تروح السوق وانا قلتلها تعالي..

طبعا انا انشغلت اتصل وقال شو بتسووو

قلتله عنا اخوك وعيلته واولاد اخوك التاني استغرب كتير....واتصل على اخوه يتأكد اني صادقه ولا لا...

مادقيت على هيك بس اجا من برد معصب وقرفان وكان عندي اخته وزوجها وبدا ييقول كلام غبي...انا قهرني بس ما رديت عليه واحرج زوج اخته كمان..لكن هو حر هدول ضيوفه...


الي قاهرني انه شككني بحالي اني مو كويسه مع ضيوفي وما بحب احد...وانه هو احسن واحد

وبعد هاد كله ما اجوني الضيوف راحو لبيت اخوه...ومعصب ويخاصم بس انا زعلانه منه لاني ماسويت شي...
بس هو بيحب يحبطني اناني ما بدو احب احد غيره او احد يحبني بدو يكون محور حياتي بس..

الله يعيني علي ..انصحوني شو اعمل معه لاني زهقت وقرفت منه...:(