مشكلتي هي عدم وجود مشاكل امام الاخرين

يابنات ابغى اوجه لكم سوال هل عدم وجود مشاكل يعتبر مشكله 00وهذي قصتي انا زوجي شخص طيب لكن مشكلتي اني احس معاه بتجاهله لي بمعنى انه يجي من شغله متاخر ويكون متعشي لانه مايقدر يتحمل وبدال مايحسسني بشوقه لي يكون جاي وجايب مستلزمات الجلسه اللي راح يكيف عليها في الغرفه التانيه يعني دخان وببسي وبلايستشن او كره قدم ويجلس مسمر قدامها انا في البدايه كنت احاول اسايره والبس له واكشخ واستناه وحتى لما يفكر يعمل الجلسه حقه كنت اجلس معاه واتحمل ريحه الدخان اللي ذابحتني واسوي كل الحركات بس للاسف لا حياه لمن تنادي:(:(:( احس انه نفسه يطردني من الغرفه من كتر ماهو مطنش ويجاملني المهم انا اسوي كذا لاني لما كنت انكد عليه واطفشه وابوز مافي فايده قلت خليني اجرب الحل السلمي واجذب زوجي من غير مشاكل عشان يتغير لكن مافي فايده جربت اغريه والبس واسوي كل شي لكن مافي فايده لازم يسوي له جلسه خاصه في الغرفه التانيه ويسهر للصبح لين مايجيني احباط وبعد ما روح انام ويمخمخ هو من السهر ذيك الساعه يفتكرني "انتوا فاهمين طبعا"ويبدا يقول لي كلام حلو ويسوي لي حركات يعني انه طيب مره لكن انا اكون خلاص قلبي قد انكسر واحس كاني وحده ياخذمنها اللي يبغاه وبعدها ولا كانه شي صار انا ساعات ما اعطيه وجه واسوي نفسي نايمه واقوله لاتصحيني وساعات اخاف ربي يغضب علي واستسلم. المشكله ان اللي يشوفنا يقول حياتنا مافيها مشاكل لاني ماابين لحد من اهلي او اهله لكن هذالا الشي خلاه يتمادى وبدل ماكان يجلس مره او مرتين في الاسبوع صار يوميا اوشبه يومي يعني تخياوا انا انام لوحدي اكثر الاحيان وما احس اني متزوجه لدرجه اني ساعات افكر اني مالبس قمصان ولاهالشغلات واقول المفروض اني البس له ارواب عشان يحس فيني وبعدين انا نفسي اشتكي لاحد من اهله او اهلي بس ماني عارفه ايش اقولهم والله مستحيه يعني اقول لهم زوجي ماينام جنبي يعني بدل مايعوضني عن غيبه اليوم كله يسوي فيني كده بالله ده يرضي مين انا نفسيتي متحطمه وتعبانه ونفسي اعرف ليش يسوي كذا مع اننا لسه فيما كملنا 4سنين من زواجنا وبعدين لسه شباب مالحقنا نمل من بعض ما ادري يمكن مل مني والاايش القصه ساعات افكر اروح بيت اهلي بس مو قادره ادخلهم في حياتي انا محطمه محطمه وهل اذا نمت في غرفه لوحدي ااثم ايش الحل انا ماابغى احسسه اني مايته عليه كفايه ياما كلمته بالتي هي احسن وابشركم بعد سهرته للصبح يروح مواصل ويجع الظهر بدري ويدخل ينام لقرب المغرب ةبعدها ياكل لقمتين عالماشي ويلبس وينزل :06: :06: :06: :06: :06: انا لما كنت اسوي له مشاكل كن يعني ساعات يعمل حسابي ولما طنشت اتمادى:44:وساعات لما اكلمه يقول لي انا مضايقك في ايش انا كافي خيري شري تبغي تجلسي معايا حياك الله والا ادخلي نامي ولما اقوله هذا مايصير يقول لي كل العالم هذي جالسين يتكلموا مع حريمهم هذا الوقت اعتبريني نايم:44:ساعوني ساعدوني ساعدوني ساعات ترادني افكار قد تهدم حياتي لدرجه اني تعرفت على شخص عن طريق النت ةتعلقت فيه وانا عارفه ان اللي اسويه غلط لكن والله غصب عني نفسي في شخص يعوضني عن تجاهل زوجي ويمكن لولا الله ثم وجود هالشخص في حياتي اللي احس معاه بشي من الراحه اللي افتقدتها في زوجي كان تصرفت تصرفات يمكن تهد حياتي لكن انا ابغى مشورتكم ارجوكم ارجوكم ولو بكلمه