مشكلتي واللي ماعندها حل ترفع الموضوع الله لايحزنكم في غالي

السلام عليكم وحمة الله وبركاته
اخواتي انا عضوة جديده لكن من اشد المتابعين لعالم حواء
وصار لي مشكله امس وقلت مالي بعد الله غيركم
ببداء بلاحول ولاقوة الا بالله
انا متزوجه وعندي 4 عيال زوجي راعي خيانات
كشفته كم مره ويعترف لي لكن بعدكذا انا وقفت في وجهه ووداني الحرم ومسك المصحف وطلق انها ماتتكرر
قال انتي يافلانه طالق طالق طالق لو خنتك مره ثانيه واقسم على المصحف وحنا في الحرم
انا صدقته ورجعت اثق فيه طبعا كان عندي منه 2 وبعدها حملت وانا وكلت امري لله
قبل فتره بعد ولادتي الرابعه سويت دايت ونزل وزني وصار جسمي روعه وتعرفون الوحده لما تتغيرلبس
وكشخه وميك اب الخ تكلم معي كيف اللي يشوفونك بعد الدايت وووو قلت والله الكل يذكرالله وينبهوني ما ارجع
زي اول قال لي:( انتي من جدك لسى تتكشخي وتلبسي ووتحطي مكياج قلت ايه حبيبي وش فيه
قالي خلاص كبرنا عليها قلت اذا انت كبران مع نفسك لكن انا في عز شبابي عمري 31 والله حز في خاطري هالكلام بس مابينت له

امس يابنات صارمشكله بيني وبينه في ان احد قاعد يزعج زميله ولما شاف الرقم طلع اخويه وقام يقولي انت اخذتي الرقم واعطيتي اخوك يا ابن الناس اقسم بالله ماصار مره مو راضي كلمت اخوي استفسر عن الرقم
قالي وش دخل زوجك هذي ارقام بنات وهذا الرقم واحد منها واخذت الرقم من اخوي واعطي زوجي اقوله هذا هو؟ يقول اي زوجي يقول رقم صاحبه واخوي يقول رقم وحده
بدا الشك وقلت لاخوي اسألك بالله هذا رقم وحده لان صاربيني وبينه طلاق معقول رجع
اخوي زعل وماصدق انه مطلق قال اذا مطلق فانتي ماعاد تحلين له كيف قال الشهر اللي راح
لما كان عندي كان يكلم وحده وسمعني صوتها وتقول انا احب فلان يااااااااااااااااااااااااااه:eek:
ياناس انا بضيقه مايعلم فيها الا الله قلت لاخوي بعد ماعاتبته اشلون يسوي كذا قدامه وهو ساكت تواجهه قال مافكرت فيه طبعا انكر تماما وهذا اسلوبه الجديد الانكار رجع يتبلا على اخوي كل هذا صار من الساعه 6 الصباح
على الساعه9 كلمت شيخ وشرحتله وهل الطلاق وقع المفاجاه ان الشيخ قال ما افتيك كل هذا في علم الغيب
ولاعطاني رد شافي بنات انا تاكدت من خيانته بكذا الطلاق وقع والا لا من امس مواصله الى الان وراسي بينفجر وهو موطايقه اشوف وجهه ريحوني بنات تكفون انا في حاجتكم وحاجة دعاءكم
طولت عليكم بس علشان كل شي يكون في الصوره


مشاركاتي قليله ياليت اللي ماعندها رد ترفع الموضوع الله لايجيب لكم الهم