مشكلتي وتكفووووون ادعو لي

اخواتي سامحوني لو لخبطت شوي او حرفت في الكلمات الله يلوم اللي يلومني وباكتب على طول مع اني ما كنت ابي اقول السالفة لكن ارتحت بعد دعواتكم وقلت يمكن الاقي حل او على الاقل ارتاح من همي
خواتي انا متملكة لي حول السنة احبه ويحبني والحمد لله او خلونا نقول مرتاحين مع بعض
هو سافر فترة حسيته متغير وسبق وقلت مشكلتي انه زعل علي لاني ما كلمته ولا صدقني يوم قلت خفت اشغلك
المهم رجع هو وكان زعلان وتراضينا .. وقال ابي اشوفك قلت له اوكي بس بعد شوي تدلع واستهبال مني لكنه زعل مدري هون والله مدري وش صار
و بعد يوم كلمني ومدري وش صار قال لي فلانة احنا مو لبعض وقعد يبكي
انا حسبته يمزح بس يبكي معناه السالفة جد
قلت ليه ؟
قال انتي تستاهلين غيري انا ما استاهلك .. انا وانا
قلت له انا راضية بكل شيء فيك وقعدت ابكي قلت ترى باموت ترى باسوي بنفسي شيء
قال انا اللي باموت وان سويت بنفسك شيء ترى باغضب عليك ليوم الدين
قعدت ابكي واتقطع من البكاء وهو ساكت وحاسة انه كاتم او يبكي بدون صوت
قلت فلان كلمني لا تذبحني قال خلاص بكرة نتكلم ونتفاهم وهو قصده يصرفني
وللحين لا حس ولا خبر وانا باموت
وربي ما قلت لاي احد لكن حاسة انه بيصير هالشيء وربي لاموت يا ناس ما ابي الا هو لو كل العيوب فيه .. انا اقول انها عين .. اكيد عين .. كنا تمام ولا هالشي جاي على بالنا
يا ربي يا بنات وش اسوي متسكرة من كل جهة وربي اكتب وانا ميتة بكي
تكفون ادعو لي لانه مشكلة ما لها الا الدعاء ما فيه شي معين ينحل
آآآآآآه يا قلبي :44: