مشكلتي وحلولي المقترحه وابي راي الحكيمات

الأسرة والمجتمع

بسم الله الرحمن الرحيم ترددت كثيرا في كتابه مشكلتي وتذكرت ماخاب من استشار وتوكلت ع الله هذا اليوم جا زوجي عادي مافيه شي وحطيت الغداء وتغدينا وفجأه انعفس بدون سبب قعد يهاوش بنتي وحنا نتغدى جيبي الريموت بنتي دورته مالقته وقالت له مالقيته خلصت انا من الغداء ودورت له الريموت واعطيته مامد يده عشان ياخذه ونزلته عنده وقلت لبنتي يالله ياماما تغدي عشان آخذ الغداء مادريت الا الي قعد يهاوش يقول شيلي الصحون وخلي صحنها ابتسمت وقعدت عشان اشيل الصحون ويهاوش مافيه شي يضحك قلت انا أضحك مع بنتي انت وش خصك تبي تنكد نكد ع نفسك حتى الضحك ماأضحك وكان متكي وقعد ع اساس يخوفني بيمد يده شلت الصحون ورحت للمطبخ مادريت الا طرد بنتي من الغرفه جتني وبعيونها دموع قلت لها عادي ياماما ماصار شي بعدها ماجيته من آخر العصر حتى الساعه 9ونص قعدت عنده ع كمبيوتري طبعا هو زعلان وجهه يخرع من الزعل وهذا طبعه ياخذ ثلاث ايام او أكثر ماأقدر أكلمه لو هو المخطئ بعدين اراضيه ويالله يرضى واحيانا يقعد اسبوع المهم قلت يابنت روحي راضيه عشان بكره عند بنتي مجلس امهات وتترجاني أحضره وماأبغى أنكد ع نفسي زي الترم ألأول حضرت مجلس الامهات ودموع تنزل وبالذات لما الطالبات انشدو عن الام واقول الله لايحرمني من عيالي وكان في ذاك الوقت منكد عليه ترجيته يوديني عشان بنتي وداني وتركني دقيت يمكن 20 اتصال ماجاني ورجعت مع نقل بنتي المهم قلت ابسوي له كبتشينو وكيك وحلويات ودخلت عليه ونزلته قال طلعيه وديه عني بنبره زعل وصوت مرتفع قلت وش له الزعل قال وديه الى ماتتعلمين وش لون تتكلمين شلته وقلت بصوت مسموع حاله قال ها وش حاله مارديت عليه وقلت لبنتي تاكلين حلا معي وطلعت وتركته بتقولون وين المشكله المشكله مجلس الامهات بكره وبنتي تترجاني أجي وهالمخلوق زعلان وماراح يوديني وبيضيق علي جا براسي حلول منها ابروح مع نقل بنتي وارجع معها بس نقل بنتي يجي الساعه 6 ويرجع الساعه 2 وعيالي بالبيت ابطول عليهم ومن الحلول بعد اذاج جت الساعه 9ونص اباخذ ليموزين لأن الحفل يبدأ 10 وارجع بليموزين بس قلت أكيد اذا درى بينتهزها فرصه ويكبر المشكله ومن الحلول اني ماأروح وأغيب بنتي بس راح أكسر بخاطرها :44:الله يعافي ويسعد الي تنورني وعسى ربي ينور عليها آمين
12
2K

يلزم عليك تسجيل الدخول أولًا لكتابة تعليق.

تسجيل دخول

روابينا
روابينا
تروحين لزوجك وتدخلين بصوت واثق وهادئ ولايهدف الى مشكله ...وتقولين بنتنا عدها غدا مجلس امهات ..ومن مسؤليتي احضر ...لان مهم عند المدرسه ومهم عند بنتي وعندنا انا وانت ....اريدك توصلني حتى احضر ممكن ؟
اذا جاوبك بعصبيه ..قولي له انا مو مهم المهم بنتنا ماتنضر من مشاكلنا
واذا هم رد عصبي مره ثانيه مابيدك حيله ..بنتك تتحمل ايضا عواقب اخلاق ابوها
محبة الصفاري
محبة الصفاري
الله يعينك ماأقول الا الله يحنن قلبه عليك
بنت الأصيييل
بنت الأصيييل
والله العظيم قمة القهر والغبن بعض الرجال دمروا نفسيات زوجاتهم الله يكون في عونك غاليتي الله يسخره لك وبما انه بنتك حريصة انك تروحين حاولي قد ما تقدرين ترى هذا الشيء مهم جدا عند الاطفال بكرة كل وحدة تقول لها شوفي ماما وين مامتك واذا مرة مرة ما رضي يخليك تروحين قولي لبنتك انا تعبانة يا ماما ما اقدر اجي المرة الثانية ان شاء الله اجي

يا رب سخر لنا ازواجنا
ضحكة هم
ضحكة هم
انتي الي جبتي الغثاء لنفسك

هو اخذها عاده زعل بحق او لا انتي تجين تراضينه
ماعليش ع الكلمه بس انتي شكل مالك شخصيه عنده
قوي نفسك وفرضي هيبتك وان شاء الله يتعدل زوجكـــ
ااام نايف
ااام نايف
المفروض بنتك مالها دخل في مشاكلكم روحي مع الباص وعيالك خوذيهم معك او كلمي جارتك عنهم واذا انتها الحفل كلمي الباص نفسه يرجع ياخذك وش هاالنظام الذكوري الي ماهو ع سنع الله يشفي زوجــك > تكره هالنوعيه من البشر