مشكلتي ورايكم جزاكم الله كل خير

السلام عليكم ورحمة الله وبركاته

اخواتي بالله ابي رايكم وبكل صراحه وجزاكم الله الف خير

انا فتاه عمري 25 سنه متزوجه لي 9شهور لقد مريت في 9 شهور ومن الشهر الاول بمشاكل مختلفه مع زوجي

زوجي تعرفت عليه عن طريق النت والله يشهد ماكلمته عن طريق النت الا مرتين وانتقلت عن طريق الهاتف وكانت والله يشهد بغرض الزواج

صارت مواقف كثيره تدل ان هذ1 الشخص الله هو الي كاتبه .

عن طريق الهاتف تفاهمنا على انماط حياتنا وكيف تصير وكيف يتقدم الى اهلى وانا اقنعه في اهلى المهم رتبنا هذ1 الموضوع بشهر وتقدم حق اهلي والصراااحه اهلي اعجبو فيه وتمت النظره الشرعيه والحمدالله حسنا بقبول لبعض

وطبعاً استخرت الله قبل كل شي

وتم الحمدالله الزواج

اكيد بتقولو الحين وين المشكله ؟ المشكله يا اخواتي.

ان الشخص هذ1 يكبرني بـ15 سنه ومتزوج من قبل ولديه 3 اطفال .

اول ماتزوجته عندي خبر ان زوجته عندها مرض لاتنجب والحمدالله ربي اعطاها 3 اطفال من بينهم طفله مريضه الله يشفيها يارب ويشفي جميع المرضى.

سالته وحلفته بالله ان زواجه مني مايكون عشان الاطفال لان الله يعلم بيجون ولالا وحلف وقال لا مو عشانهم المهم

دخلت انا حياة هذا الانسان وانا حلفت وقلت الله يحرمني الجنه لو من اطفاله حرمته او اهله وبالفعل كنت قد كلامي

حبيته واخلصة له تعرفت على اهله واطفاله والحمدالله بمحبتي لهم والكلام الطيب قدر اكسبهم واجعلهم يحبوني
ليس فقط زوجته واطفاله بل اهله ككل امه وابوه واخواته وحريم اخوانه اصغر واحد يسال عني .

المهم كنت اذهب واسهر مع زوجته الاولى ماكنت فاهمه شنو يصير حولي وكنت قمة الغباء ما بفهم كلامها الجارح والقاسي
كانت بكل جلسه تسمعني كلام قاسي وشوهت صورة زوجي قدامي خلته شيطان بصورة انسان
وانا عايشه مع هذ1 الانسان مابشوف تصرفاته مثل ماقالت وكنت اجمع واسكت واجمع لما انفجرت مرره وحده

في يوم قالت ان زوجك مايحبك واتزوجك عشان الاطفال. مره تقول هو يقول احلى مافيك شعرك. مره تقول ندم على زواجه منك وتقول مره انتي اتصلتي وشاف رقمك ورمى الجوال .

في هذه الحظه انفجرت لما رحت لبيتي مع زوجي وانا ابكي مو عارف شنو السبب وحكيت له كل الكلام وكنت مصره ابي الطلاق وابي اروح بيت اهلي وجلس يحلف ويقسم بربه انه ماقال كذ1 ولا شي من هذ1 صح ويقول طالعي تصرفاتي معك وانتي تعرفي اذا انا احبك ولالا واتصل قدامي عليها وقال انا قلت اني تزوجت عشان الاطفال او رميت الجوال لما شفت اهلي اتصلو قالت ياحووول وش السالفه انا انصدمت صراحه من نكرانها وهي بنفسها اعترفت حق اخت زوجي لما ناقشتها بالموضوع ليش تقسي على بنت الناس وانتي ماشفتي منها الاكل خير قالت واعترفت كل الكلام من راسي انا وهو ماله دخل فيه.

المهم قررت اني اقطع العلاقه معها لاتزورني ولا ازورها لاتكلمني ولا اكلمها وفي يوم قبلتها عند اهل زوجي قمت اسلم وطنشت ماسلمت وهو عيد الاضحى وقررت حتا السلام راح اقطعه.

بس ياجماعه كلامها رجع ببالي وجالسه افكر فيه لدرجه الحين مشاكلي انا وزوجي بسبب بقايا كلامها بعض الاحيان عندي شعور انه منايحبني وانه تزوجني عشان غرض معين وتصرفاته والله الشاهد تدل غير كذ1 نومه والله مابينام الا عندي طول الاسبوع وطالعت مطاعم وحياته غير حياته الاولى وهو اعترف بكذ1

يقول انا شفت حياه غير انسانه متعلمه وفاهمه الدنيا وانيقه وسبحان الله انا وهو نفس التخصص اداره هي انسانه بحكم طبيعتها بالبيت لاتطلع وليست اجتماعيه ومامعها الا الابتدائيه بس سبحان الله عندها اسلوب حتا انا اقتنعت في البدايه انها مظلومه وان اهل زوجها ظلموها مع انها ام زوجها خالتها تصير بس اكتشفت العكس هي الي ظالمتهم.

المهم انقطعت العلاقات مشكلتي الحين مع زوجي
صايرره عصبيه معه انتظر منه كلمه عشان اعصب وارد عليه مع انه طيب ومو حارمني من شي
عمره ماحسسني او جرحني بكلمه
ولا عمره فتح معي موضوع انه عرفني عن النت بالعكس انا الي اذكره وقت مابكون معصبه
مابقدر عمله ولا ظروفه ابي اطلب الشي وبسرعه يتحقق
وهو يحلف لولا حبك بقلبي مابقيتي معي دقيقه نفسي ياجماعه اعيش مرتاحه مع هالانسان واريحه بعد على الرغم كل تصرفاته تثبت انه يحبني الا بعض الاحيان اشعر انه مايحبني واذا مانفذ طلبي قاصد يبي يقهرني ومن هالسوالف

في يوم صارت مشكله ووصلت بينا لحد الطلاق وهو رفض يخبر احد في الموضوع وطلب مني ماعلم احد وذهب استشار شيخ عشان يردني عرفت بعدها لما شفت الندم بعينه على الطلاق ولهفته يبي يرجعني تاكد من حبه وقررت وقد المشاكل اصمت وكان من اهم سلبياتي اني ارد عليه ومابسكت عن حقي في بعض الاوقات يعترف انه غلطان بس يقلي لاتردي ولاترفعي صوتك انتظري اهدا وتعالي عاتبي وهذ1 الي صار والحمدالله شبه ماشيه حياتنا..

اسفه اسفه اسفه على اطالتي

ولكم كل الاحترام والتقدير