مشكلتي... وزني يزيد بسرعه بعد الرجيم

السلام عليكم

كيفك يادبدوبات عساكم بصحه وبخير

طبعا موضوعي باين من العنوان... مشكلتي اللي ابي لها حل ان وزني يزيد بسرعه بعد ماتركت الرجيم

مع العلم يابنات اني قبل مااسوي الرجيم كان وزني ثابث مايتحرك مع العلم اني اتغذى واتعشا واكل بين الوجبات شبسات وشوكولاتات ومقالي ومعجنات ... يعني اكل كل شيء بدون حد وبدون تحديد كميات وكله اكل مليان سعرات ومع ذلك يجلس وزني ثابث لمدة شهر وعليها مايزيد ولا نص غرام

الحين سويت رجيم ونقصت من 69 الى 63 وابي احافظ على هذا الوزن بس مع الاسف احسه يزيد يعني مثلا امس مافطرت.. واتغذيت ساندويتش توست اسمر+ملعقه جبنة المراعي قليلة الدسم+ شريحة طماطم+شريحة خس

يعني ساندويتش مره صغير+ كوب شاهي بسكر عادي... طبعا الكلام هذا الساعه 4 العصر

والساعه 11 ونص في الليل رجعت اكلت.. 2 كرسان صغير (شغل بيت)+2 قطعة من فطاير الدجاج
وبس

المهم زاد وزني 500 جرام... طبعااا قست على الريق من يوم ماقمت من النوم

وكل مااحاول اكل شيء خفيف مثلا كمية رز بسيطه يزيد الوزن... طيب ليش

قبل الرجيم كنت اكل زي المفجوعه وماكان يزيد والحين كل مااحاول اسيب الرجيم وابدا نظام التخفيف يزيد.. طبعا مستحيل استمر على الرجيم مدى الحياة ومستحيل اتقبل ان الكيلو اللي اخسره في اسبوع يرجع في نص يوم.

خاصة اني ابي اسافر وخايفه من لخبطة الاكل.. اتوقع اني ارجع من السفر دبل اللي خسرته لو فكرت اكل من اكل عيالي وزوجي

طبعا الرجيم اللي كنت اسويه عادي عباره عن توست+ جبن او بيض+ شاهي (مستحيل استغنى عنه)

سلطه+دجاج مشوي. وبس هذا اللي اكله طول اليوم والمويه طبعا.

بنات ابغى نصايحكم وخبراتكم واللي تعرف السبب لاتتردد انها تكتبه ... وابيكم تدلوني على طريقه احافظ فيها على وزني في السفر..
مع العلم اني قررت اسوي تخفيف واخذ معي خلطة عبد الباسط للتنحيف( جاني ايميل بخلطاته ويقولون انها تنزل في الشهر من 6 الى 8 كيلو) واشرب قشر+ زنجبيل

هذا كله وخايفه من رجوع الوزن.. نفسي وزني يستقر وارتاااااااااح.

ادري طولت عليكم بس اعتقد انها هذه المشكله لكثير منا... واكيد كثير غيري بيستفدون من الموضوع فلا تبخلوا علينا