السلام عليكم

انا لما كنت اشتغل قبل سنه كان معي زميلتي سودانيه الله يذكرها بالخير

كانت تجيب عدس مطحون و رز مطحون و ترمس مطحون و تخلطهم مع بعض وتجيب علبة زبادي وتخلطه فيه مع شوية عسل

بعدين تجيب بياله او فنجان قهوه فيه زيت زيتون وتخليه على جنب .. بعدين كانت تدهن سيقاننا بالخلطه ولما تنشف تغمس اصبعين من يدها في زيت الزيتون

وتفرك بيه سيقاننا وتطلع بلاااوي واوساخ لونها اسود زي العجين ..زي الاوساخ اللي تطلع لما تسوي حمام مغربي

وبعدها عادي نغسله بمويه و بس .. و وقتها خلاص صرت اسويها لجسمي كله بنفسي لاني عرفت الطريقه واحيانا كنت اسويها قبل الشاور

و استمريت عليها اسبوع تقريبا .. النتيجه خياااااااااال .. جسمي وسيقاني فتح وصارت بشرتي ناااااااعمه .. حتى اني صرت احس اني فعلا بنوته لان ايدي ناعم

و عندي لك نصيحه اخذتها من النت وجربتها وعجبتني .. بعد ما تشيلين سيقانك بالحلاوه اخلطي نشا مع مويه ورد

ولما ينشف زين غسليه بالمويه و ادهنيه بزيت اللوز المر .. هالطريقه لقيت معها فرق ملحوظ جدا سيقاني فتحت و المسامات خفت

بس من الكسل بطلت اسوي كل هالاشياء رغم اني اعرف انها كويسه :biggrin:

و على فكره حتى خالتي ذيك الفتره كانت تقول لي وش قاعده تسوين يا بنت مرره محلوه

اتمنى اكون فدتك ودعواتك لي بتفريج الهم

:33:للرفع لعيونك..

انا عكسكم سيقاني مختلطة الالوان بقعه سوداء وبقعه بنيه واخرى بيضاوخلف الركبه حدث ولا حرج

اما الركبه فلا تسألون مدري وش اسوي لها ؟؟؟

بالنسبه للفكس احسه عدام البشره خاصة اذا تركتيه يقلب الشغله واللي تجرب الخلطه تفيدني وربي بدعي لها من قلب

والله يجزاكم الفردوس الاعلى من الجنه