مشكلتي ومشكلة زوجي افيدوني

السلام عليكم ورحمة الله

يا الله مو مصدقه انه تفعلت عضويتي

انا في حاجتكم

عندي اسأله كثيرررره تدور براسي

والمشكله ماني قادره اتكلم مع احد من اهلي او صديقاتي عن مشكلتي

زوجي مو حاب احد يعرف من اهالينا والى الان وانا ماسكه نفسي مراعاة لمشاعره وطلبه

والله انه اوقات اقول بفظفظ بس لاختي اللي اصغر مني مو متزوجه لانها ماراح تجلس تعطيني من هالنصايح ولابتجلس تراقبني رحتو سويتو وافعلو كذا وروحوللمستشفى الفلاني لاني ماني حابه احد يجلس يعطيني بهالنصايح ويزيدني هم علة همي كلن بيقترح علي طبيب ويقول انه ممتاز وانا ماني حابه اغير طبيبتي لانه موحابه اتلخبط
غير كذا بيجلسون يراقبوني حملتي ماحملتي وهذا اصعب شي ,عشان كذا قلت افضفض لكم واخذ من خبراتكم
رحت المستشفى ودكتورتي كان عندها عمليات فخشيت لوحده ثانيه وصراحة ما ارتحت معها وتلخبطت واحس مو فاهمتني مثل دكتورتي الله يسعدها

المهم عزيزاتي مشكلتي او بمعنى اصح مشكلتنا انا وزوجي انه انا هرمون التبويض عندي نسبته منخفضه واحتاج لمنشطات وزوجي عدد الحيوانات المنويه عنده 2 مليووون والحركه واللزوجه نسبتها قليله هذا اللي فهمته من التحليل اذا موغلطانه

طبعا مثل ماقلت لكم في البدايه يوم رحت المستشفى مالقيت دكتورتي ودخلت عند وحده ثانيه وانا كنت ماخذه منشط هذا الشهر طبعا ،،ومن قبل تقيس حجم البويضه وقبل تعرف تحليل زوجي تقول رح اعطيك ابره تفجيريه ولو طلع تحليل زوجك فيه مشكله رح نعملك تلقيح صناعي ادا ماني غلطانه باسمه اللي هوه تسحب عينه من زوجي بالابره وتحقنها فيني
انا انصدمت منها قلت مارح اضرب ابره لحد مااشوف تحليل زوجي وزوجي كان لسى في المختبر ياخذ النتيجه وانا دكتورتي كانت تقولي مارح اعطيك ابره تفجيريه لحد مانشوف تحليل زوجك عشان ماتتعبين وتخسرين وفي الاخير يطلع عند زوجك مشكله وكانت تقولي انه اذا طلع عند زوجك مشكله رح نعالجها , لكن الدكتوره الثانيه قالت لي ولزوجي بعد ماشافت التحليل انه مافيه علاج العلاج الوحيد هو التلقيح الصناعي او اطفال الانابيب صراحة زوجي عصب منها وماالومه حطمتنا
قامت تقول انه لو رحتو عند دكتور ثاني رح يعطيك علاج ومنشطات ومارح تزيد الحيوانات المنويه عن 4 مليون او ممكن تجيب الادويه نتيجه عكسيه يعني تقل زياده
واللي قهرني ماطلبت من زوجي اي تحليل للغدد او الهرمونات على طول قالت تلقيح

عارفه طولت عليكم بس والله اني ابغا افضفض لاحد ابغا احد يرد علي ويفهمني

الحين كلام الدكتوره صح ولا مستعجله علينا؟

يعني فيه امكانيه انه يتعالج زوجي ولا مافيه بس بنخسر واخر المشوار نرجع للتلقيح والانابيب مثل ماقالت الدكتوره؟
الشيء الثاني هل التلقيح واطفال الانابيب متعبه ولا سهله؟

اعطوني رايكم وتجاربكم اللي مثلي

يااااااارب انه ترزق كل من دخلت موضوعي سواء بس قراءت وخرجت او ردت باللي تتمناه

وياااااااارب ارزق كل محرومه ،اللهم امين..