مشكلتي ويا اخوات زوجي ........

السلام عليكم

صراحه يا بنات ما ادري من وين ابتدي الموضوع لان القصه طويله شويه و متشعبه ...



اول شي انا متزوجه صار لي 4 سنوات و زوجي انسان متفهم الى اقصى الحدود ..:26:


مشكلتي تنحصر في اهل زوجي اللي كنت اعتبرهم نفس اهلي خصوصا اني غريبه و مالي احد غيرهم ...خواته اعتبرهم نفس خواتي و اكثر ...و ما كنت اتردد في مساعدتهم و خدمتهم باي شكل كان

و ام زوجي اعتبرها نفس امي و مقدرتها و شايلتها فوق راسي

السالفه و ما فيها ...اني لا صارت عندي عزيمه كبيره لكل اهل زوجي يعني عمامه و حريمهم و عيالهم اخلي العزيمه في بيت امه على اساس ان بيتها اكبر من بيتي ..و تقديرا لها بعد
مع اني اتكفل بالعزيمه كلللها من الشاي و القهوة الى اخررر شي .........


المهم اخر مررره صارت عندي عزيمه كبيره و كالعاده سويتها عند ام زوجي و هي ما تمانع طبعااا ...و كنا ذابحين ذبيحتين و طبخناهم بمطعم ..اخت زوجي ( حماتي ) من قبل العزيمه بيوم اتدق على زوجي ...و تقول له وين تبون تطبخون قال لها مسونها بمطعم ....و هاوشته قالت انت لييش مرتك ما تطبخ ؟؟؟ اشدعوه ؟؟؟ ما نبي مطاعم خليها هي تطبخ ؟؟؟ و من ها السوالف ...

زوجي قال لها و الله اتصير عفسه و المره تبي تستقبل الحريم و تقهويهم اشلون تطبخ بعد ...

المهم هي احترت من النقطه هاذي و يوم العزيمه من اول ما قعدت ..و هي تتافف : انا ما اداني طبخ المطاعم ..وووووووووووووع ...و الحريم بعد قالوا لها اي و الله طبخ المطعم مو شي ..و هي تدري اني مسويتها بمطعم فخم ةو طبخهم نظييف و روووعه و مكلفتني 25 دينار للذبيحه الوحده :42:

المهم الله كتب علينا و تاخر المطعم للساعه 9 بالليل ...عاد هي من الساعه 8 اتصايح وين العشااااااا..
ليش اتاخرووونه ؟؟؟ مع ان الغلط مو مني ........و تهاوشني قدام الحريم كاني جاااهل عندها ..

المهم انا طنشتع وسكتت و رحت للصاله قعدت اجهز الصحوون و احط صحون العيييش و ارتبهم ...
ما دريت الا و الاخت مقلطه الحريم و كللهم داشييين علي ؟؟؟؟

عاد انا اللي اعرفه الاصول راعي العزيمه هو اللي يقول للناس يتفضلون على العشا ..مو وحده مالها وجه و لا قفا هي اللي تقلطهم ..............
انا ما همتني السالفه هاذي كثر ما همني ليييش اتذخل علي الحريم في غرفه الطعاام و انا حتى مو فاكه القصدير عن الصحون و توني ما حطيت حتى الماااي

المهم نا بلعت حرررتي ....و قعدت بالصاله الثانيه جهززت الشاي و يوم راحوااا الحريم اشوفها قاعده ويا خواتها تضحك علي ....مخليييين العشا الساعه 9 ؟ مع ان عندها كذا مرة اتصير عزيمه و ما نتعشى الا 9 و نص او 10 .............

المهم انا دقيت على زوجي اللي يصير اخوها الكبير ...و قلت السالفه ..هو اتصل عليها و مسخرها بالتلفوون و قال لها انتي ملقوفه و ما تستحين على وجهج ...

المهم هي سكرت التلفوون منه و استلمتني انا...عيرتني بكلام اخجل اني اقوله و ما خلت شي الا وحطته فيني ........و لا اي وحده من خواتها قالت لها عيب عليج اسكتي ...بالعكسس ساندوووها و خلووها اتصايح على كيفها

صراحه انا خجلت و سكتت و ما راددتها عشان عل الاقل يركبها الحق و يقولون اختنا غلطانه و مرت اخونا ما ردت عليها حتى .....

انا قمت و لبست عباتي و كنت ابرووح بيتي ..و هي تطردني من بيت اهلها و عمتي بعد ما تحررركت و لا قالت كلمه وحده ...........

:22:

يوم جيت بالبيت جاني زوجي و حلف انه ما يكلم خواته كلللهم ...بس جت مناسبات وواجههم و سلموا عليه كان ما صار شي الا حماتي اللي تهاوشت وياي ما يكلمها و لا تكللمه من يوم السالفه

الحين المشكله انها ويا خواتها راحوااا عند كل الناس اللي اعرفهم و قالوا لهم جان اتعزمون فلانه ترانا ما نجيكم ابدااا ....
وحاليا لو تصير اي مناسبه بالعايله يعزموون كل الامه الا انا ...افكر انا شنو مسويه للناس ؟؟؟ ما سويت لهم شي بس علشان سواد عيونها ماحد معبررني ...........

و الحين جاينا رمضان و انا متعوده اني افطر عند اهل زوجي ...و نتجمع كللنا ويا خواته ..
الحين هو يقولي لي عادي اترووحين و جان مو عاجبهم يطلععون برره

بس اشلون افرض نفسي على نااس هم اصلا ما يبوني ؟؟؟ اشلون اذل نفسي لهم ؟؟؟ انا كرامتي ما تسمح لي اني انزل للمستوى هذا ...............

حتى ان وحده من خوات زوجي كانت مسافره يوم صار الموقف هذا ..و الله واجهتها بالسووق سوت روحها كانها ما تعرفني بالمرررة ....
و بنات عم زوجي ..علاقتي فيهم كانت جداا طيبه بس من بعد الموقف هذا و لا وحده فيهم اتعبررني بالمرره ما ادري شنو قالت لهم عني ؟؟؟ و لا شنو صار بينهم بالضبط ؟؟؟


ما اقول الا حسبي الله و نعم الوكيل
حسبي الله و نعم الوكيل
حسبي الله و نعم الوكيل