مشكلتي ويا بق الفراش

شوفي حبيبتي أنا حاسه بكل الي فيكي
لأني مريت بنفس معاناتك في رمضان الماضي والله أن الشهر راح وانا ماحسيت بطعمه الحمدلله
نجي للمهم شيلي كل شي قريتيه من بالك أنا كنت أقرأ وأتحطم وأيأس
أول شيء عندك أشياء ضروريه لازم تحضرينها وهي
عطر الليمون
تلقينه عند العطار وسعره رخيص ترشين منه بأستمرار علي الاسفنجه والخشب وكل شيء قدامك وترى مايخرب الاثاث

بف باف أحسن نوع جربته يمكن خلصت حوالي 10 علب هذا والي عندي شي بسيط بس سيطرت عليه بسرعه
وهذه صورته


اشتري الي ثلاث مع بعض يجي أرخص ودخلي العود في كل مكان حتي جوا الاسفنجه

وهذا النوع الثاني كنت أرشه حوالين المنطقه وفي الجو عامه


ضروري البف باف الاسود لأنه فيه صورة البق من الجنب يعني خاص بقتله
بودرة البف باف
قبل الانتهاء من البق وبعد للوقايه

ثالثاً 409
باليمون تمسحين به الارض وترشين به الخشب مره رهيب
ضروري تسدين أسفل الباب حق الغرفه بخرقه مبلوله وراشتها بالعطر وال409 لازم كل ماجفت تبليلينها عشان ما يشرد ويروح
للغرف الثانيه وترجع العدوه في مكان ثاني

رابعاً لازم تعريض الاثاث للشمس خرجيه في الحوش كله
خامساً غسلي الأرض بالمويه الحاره بعد تفريغ الاثاث منها ضروري تغسليها مو تمسحيها
وتمسحين الجدران والنجف والابجورات و أركان الغرفه وكل شي فيه حافه وتبخين على الاركان والحفف من المبيدات
وبعدين تدخلين الأثاث بعد التأكد من نظافته وفركه بفرشه قبل ماتدخلينه البيت وإذا كان منخر من جوا والبض داخل جوا تخلصي منه
معني ماتوقع الخشب الاصلي يقدر يدخل فيه
حاولي تاخذين لفه في كل البيت وبخي عشان تقاومين أكثر قدر ممكن
وأهم شي العزيمه القويه
وغسلي المفارش وكل شي بالمويه الحاره
ولو عندك مجفف حطي كل شي فيه مخدات ملاحف كل يوم حطيها
والاسفنجه خرجيها بره في الشمس ودخلي عود البف باف وبخي قد ماتقدرين بعدين كل الريحه تروح من نفسها
والشي المهم هو البان الشحري تبخرين به تخلين الغرف كلها دخان لازم كثير عشان هو يكره الروايح مره وخاصة البخور
لازم أقل شي مرتين في اليوم
وفي عند محل المبيدات مبيد جالون حديد لونه أصفر عليه صور حشرات ومن ظمنها البق
طبعا هو زيتي يعطيك معاه بخاخه تبخين به في الغرفه
والله كانت الارض تمزلق من كثر المبيدات بس الحمد لله قدرت عليه تخيلي كنبي جديد له شهر ونص طلعته في الشمس
والله إني أشوفه وأبكي جديد بس قدرت اللحق عليه وطلع السبب طاولات إشتريتها من محمود سعيد في جده
شفنا فيها حشره أول مافتحناها وبخيناها وما أهتمينا طلعت فيها بق وكانت هي سبب العدوى
ضروري تعرفي شي أن الحشرات الي بخيتيها وماتت بعد أسبوعين من قتلها تفقص بيوضها الي حطتها قبل ماتموت
فضروري بعد أسبوعين لازم تشنين حمله على البويض ال فقصت يعني لا ترجعين كل شي في مكانه لا خلي أركان الغرفه
والأثاث متباعد والاسفنجه بعد تعريضه للشمس أنا جلستها 4 أيام في الشمس
على فكره في جهاز الدخان الي يقتل جميع الحشرات موجود في ساكو بس أنا ماجربته طبعاً هو صغير مخصص للبيوت

معليش يمكن طولت عليكي بس حاولت أني ما أخفي عليكي أي شي سويته
وأي سؤال أنا حاظره

نسيت أقلك إذا غرفتك مفرشه موكيت
لازم تتخلصين منه وتسرمكينها
وإذا في فرشه صغيره وديها للمغسله

هلا اختي انا انصحك تجيبي جمر وتسوي فيه فلفل احمر الحار لازم وتبخري الغرفه لمدة اسبوع يومياً سوي شي عند الباب عشان لايكتمكم سديه زين الباب والله يقتل البق مجرب او اخرجي من البيت وسوي عشان لايخنقكم الريحه حقت الفلفل وكرري بتلقي البق يموت من الريحه لازم يكون فلفل حااااااااااااااااااااااااااار لاتنسي لاتنسي تدعي لي بأذريه الصالحه0

ربي يفرج لكم كل هم ويسهل لكم كل عسير
ويرزقكم الذرية الصالحية وتكون قرة عين لكم
والله و الله كنت مكتئبة من الكلام اللي اقراه في النت
والحين بس حسيت أن الأمر سهل و بسيط
واعذروني الحين بستأذن بغزو غرفتي أنا والجنود اللي ذكرتيهم لي

انا صارت معي من كم سنه بخينا البيت بفليت القوي رشيناه رش مره ومرتين كل البيت والفرش طلعناه للشمس
والحمد الله مارجعت من يومها