مشكلتي ......يارب تغفر لي ياارب

بنات المشكله مو لي بصراحه 
لاعززززز مخلوقه بحياتتي  


خالتي ..

تقول انها تطقطق بااحد المنتديات وكان عندها مشكله 
وكتبتها ورسلها واحد عالخاص رساله عشان يحل مشكلتها 
وصار يساعدها حبه حبه المهم انحللت مشكلتها حمدلله 
بس هالرجال ماتركها كل يوم يرسل يتطمن عن حالتها 
لين صارت هي ترسل له وتسال عنه شوي شوي شوي صارو
كل واحد يتعرف عالثاني ويسال اسئله عن الحياه الخاصه  طبعا اقصد العائليه لايروح فكركم بعيد وكل  الطرفين متزوجين ....خالتي  والي تراسله  وعندهم اولاد بعد
المهم قالها خلينا ننتقل عالواتس حاول فيها 4شهور  وافقت بس موعالواتس عشان ماتبغا تعطيه رقمها المهم تواصلت معه
على برنامج الكاكاو  هذا يتحمل بالجلكسي زيه زي البي بي  ميزته مايطلع الرقم ...وهاتك يارسايل وكل واحد يسال عن الثاني 
الرجال اعترف لخالتي انه صار يعشقها وصار يقولها احبك 24 ساعه وخالتي تحلف ولايوم قالت له احبك  لاقال احبك قالت اضحك بس 
قلت لهها اجل وش تبين فيه ..قالت مدري وربي اني مسيره مو مخيره 
فيه شي حوله يجذبني ..مع ان خالتي شبعااااانه حب ورمانسيه من زوجها اقسم بالله كنه  من عايله تركيه ماغير يبووس ويحضنها ومايقصر معها 
بس الشيطاااااان الله يلعنه .. المهم بعد فتره رسلها ان زوجته عرفت اسمه بالمنتدى وكشفت كل رسايله بالخاص لخالتي وزعلت 
وقالها خلاص المنتدى بتركه وخلينا على هالبرناممج بس
حلفت خالتي من بعدها  انها تترك الرجال للابد وحذفت البرنامج 
وتابت لله وتصدقت واستغفرت وماعد دخلت المنتدى 5 شهور
وبعد هالمده دخلت المنتدى ...وصار فيه وحده بالمنتدى تراسلها وشافت ملفها كله واطمنت انها انثى 

اخر شي من طلعت؟؟؟؟
زوجة الي كان يراسل خالتي 
عرفتها من المواصفات الاسم  الوظيفه  لان زوجها قال لخالتي كل شي..
المهم قالت لخالتي بااعترف لك انا زوجة فلان ..
وحببت اقولك حياتنا انقلبت جحيييييم بسببك 
وتراني اصلي الليل وادعي عليك ان ربي يخسف بك ويسحق نعمتك
ويحرمك من ضناااك لانك كرهتيني بزوجي كره مايعلمه الا الله 
تدرين ليه ..
لاني من بعد ماكشفته حضني وقالي نزوه وماراح اعيدها ومن بعدها بيومين الرجال لاياكل زين ولايشرب وراح دكتور نفساااني كله بسببك اعترف لاخته انه الحياه اللي هو فيه والنكد كله لانه حبك وتركتيه ليش تلعبين بمشاعره ليش كذا تحرمينا من حياتنا الطبيعيه السعيده انا وزوجي لكن وين بتروحي من ربي ... 


وهذي القصه كللها 
طبعا ابيكم تشورون علي عشان اشور على خالتي تراها صغيره اصغر مني عمرها 29 وعندها ولد....هي الحين منهاره والله تحت عيونها اسوود 
تحلف انها عمرها ماعطت هالرجال حب ولا امل انها تستمر معه تحلف انها ماتميعت معه بالرسايل ولا تكلمت كلام جنسي وتحلف انها بس كانت منسااقه له يمكن لانه ساعدها بمشكلتها وحل ازمتها بس لاكثر ..وغير كذا يابنات انا اشهد لها بالصلاه والخلق حتى الوتر ماتخليها بس الشيطاان اثر عليها الله يخزيه ...ونبي لها حل تكفوون كيف اساعدها لدرجة اني قلت لها اكيد هو اللي يراسلك باسم زوجته عشان تستمري معه ماهي زوجته بنفسها  قالت لا من كلامها معاي بالبدايه استمرت 3 اسابيع وتكلمنا بكل شي حتى المبايض واعشاب الدوره والنفاس  كل كلامها باين انها انثى مستحيل يكون هو  زوجها  حتى قالت ملفها كله قريته واتابع تصفحها بالمنتدى اغلبه عن الموضه والاناقه .

ارجوووكم ويشهد الله على كلامي ترى الموضووع رسلته لي خالتي عالايميل ونسخته لكم بطلب منها لانها ماشتركت هنا ....طمعانه بمساعدتكم لها لانها حاليا تعاني من نفسيه سيئه وخايفه من دعاوي البنت عليها تبي حل منكم  يريحها من العذاب الي هي فيه .....واذا فيه حل تسويه ولاتسحب عالمنتدى وخلاص  اللي هم فيه وبس ......