مشكلتي ياريت احد يساعدني

السلام عليكم
شخباركم يا حوامل ويا امهات
والله دائماً محد يفرج همي الا انتو من بعد الله *
الحمد لله رب العالمين قبل اربع اشهر الله رزقني في بنت قمر لكن كان عندها تشوهات في القلب سفرناها الهند لكن الله ما كتب انها تعيش *
المهم ما اطول عليكم طبعا في فتره النفاس كلش ما كنت مهتمه في نفسي ابدا كل يوم صبح وعصر وليل في المستشفى وسافرت مع ابوها ورحه وجيه علشان إجراءات السفر الجرح ما التام وانفك لخياط وقام يتزف استخدمت كريمات وتحسن الوضع لكن بعد الاربعين حسيت الجرح ملتهب ورحت المستشفي وعطوني مضاد وكريم والحمد لله صرت تمام
لكن الدوره اول مره نزلت قبل لا اكمل الاربعين ثالث يوم نزيف وظلت خمس ايام مع العلم دورتي سبعه ايام قالوا لي عادي علشان اول دوره
ثاني دوره قليل الدم لكن اذا ادخل الحمام عزكم الله نزيف يصيدني رحت المستشفى عملوا لي تلفزيون قالت لي سليم الرحم ويمكن الدوره متخلبطه وقلنا نصبر لكن بعد ثالث دوره مثل الحال والحين بعد كم يوم دورتي وخايفه مثل الحال وملاحظه هالشهر تنزل مني مويه كثير :(
وانا صراحه ودي احمل
بس ما ادري ليش دورتي صايره كذا وشنو سبب المويه خايفه من سالفه المويه
في احد صار له كذا *
واذا ما عندكم علم ارفعوا الموضوع بدعوه حلوه