مشكله العناد

السلام عليكم ورحمه الله وبركاته

انا ما اعرف للمقدمات بادخل في الموضوع دغري

انا مخطوبه وراح اسكن في مدينه صغيره مجتمعها زي الباحه
زوجي يبغى يلبسن عبايه على الراس
يقولي اذا سافرنا ورحنا بيتنا ابغاك تلبسي عبايه على الراس

انا جدا ما احب عبايه على الراس ، حريه شخصيه
انا عبايتي على الكتف ساده وساتره

اساله ليش تبغى تلبسني هيا
يقول تعرفين في ديرتنا الناس عيونهم طويله ومن هذا الكلام
قلت له في كل مكان شباب ورجال
ما عجبه كلامي
قال انا احب انك تلبسيها

قلت ما احبها ولا بالبسها ابدا ، عبايتي محتشمه وحاجبتني وما اعرف للراس ، وانا بالبسها رضى لله والستر

قال غصب عنك ، قلت ما بالبسها وقفل الموضوع

يوم ثاني فتح الموضوع ، وقال انتي شكلك حلو بعبايه الكتف ومن هذا الكلام
قلت له ، مدام شكلي بيطلع حلو ، ليش البسها انت تبغى الناس يطالعو فيني ؟؟!
سكت ما عرف ايش يقول

، هو مو ملتزم يتسمع اغاني طيب ما فيه شئ الحمد لله
بس ، انا ما ابغاه يمشيني في حياتي على حساب الناس وعلى عشان غيرته ، لانه يغار عليا مرره لدرجه قال لي البسي جونتيات وشراريب
هو ما يبغاني البسها عشان الدين ، هوا عشان غيره وما يبغى احد يطالع فيني

ايش رايكم !؟ ايش اسوي معاه
ما ابغاه يفاتحني بالموضوع تاني