مشكله اهلي

السلام عليكم ورحمة الله وبركاته يابنات
صراحه اي مشكله تصير لي اكتبها لكم اشوف ردودكم حيل تريحني وكتبت هنا كم مرة
يارب هالمرة ماتبخلو علي اريد منكم العاقلات الراكزات الي عندهن خبرة بالحياة يردن علي لان قربنا ننجن
ترا السالفة طويله وانا ماعرف اختصر تحملوني عاد كما عهتكم
بسم الله الرحمن الرحيم
عندي اخوي اصغر مني بثلاث سنوات تخرج من اللية ومالقى شغل ووضعنا كان صعب عندنا قرايب بغير دوله قالو خله يجي عندنا وراح هناك طبعا السفر وكل مصاريفة ع ابوي كان عندة كم فلس وطلع اقامة ع اساس انه يعيننا ويصير لنا سند ونعمر بيت لان للحين اهلي بالاجار هالحجي قبل مانتزوج انا واختي المهم راح ومالقى شغل زين وقعد مرة عند هذا ومرة عند ذاك واشتغل بشركة اهلية كم شهر والشركة خربت مدري شلون المهم له سنه عايش هناك عاله عالناس نقوله تعال يقول مارد لكم تعال عند اهلك ارض امي وابوي وشوف لك اي شغلة بسيطة مش روحك بدل مانية فلان وعلان لزق خلاص
قبل سنة قال لامي وخطبت له من قرايبنا وهو الي قال عليها يعرف اخوها واهلها
ودفعنا مهرها وملك له ابوي والناس فضحتا ماعندنا خطبه اطول هالكد لازم تخطب وبظرف شهر تتزوج لحت امي علية وجا قبل العيد بخمس ايام وكنا متشوقين له وملهوفين لهفة مو طبيعية وحضرنا حتى الجكليت نطشة فوقه والله ان جيته هي عيدنا اشو يوم جا ياريته ماجا متكبر ويكلمنا من طارف خشمة وشايف روحة حيل ع ايش مدري ومو راضي لافبيتنا ولا بعيشتنا (طبعا اتكلم عن اهلي ) بس حنا حيل متواصلين مع بعض نحس روحنا للحينا صغار
وماخلى ماحجى على امي عذبها عذاب والمسكينه تضحك وتكابر صراحة كلنا ياخوانه كرهناه كل شوي يقول لنا خطية شوفو حالكم وحنا والحمد لله مستورين اصلا انا زوجي موظف ووضعينا ماشي والحمد لله محنا مليارديرية بس حسن منه ومن وضعه وحتى اختي مثلي طبعا هو موشايف احد مننا حتى امي وابوي وزوجناه الاثنين الي فات وعفسنا عفس سوا شي مو صاير والله سوينا الي سويناه وتعبنا وعفنا رجالنا من شان ابوي وامي وحتى الناس لاتتشمت بنا وهو ع ادنى شي خلاص اعوفها وكلام قذر ووصخ مايحترم اي احد حتى زوجي يقول والله لو ما خاطر عمي ولا هذا مايستاهل احد يسلم علية وعزمته ولا عجبه شي وانا ذبحت روحي اطبخ له باكل بلدنا
المهمتزوج ويوم عرسة صرخ ع امي قدام الحريم والكل نزل راسة(خبل) الحين هو راح فبيتي لان هو تزوج بعقد شيخ للحين ماسوا عقد محكمة قلنا خله ياخذ راحته مع العروس وانا جيت عند اهلي انا وبنتي وزوجي تصدقون لادق علينا ولا سال عن امي للبارح وحنا حذرنا ندق علية والله فشلة من العروس ماتقول يكرهني ليش مادقن ولا باركن لي بس شنسوي منه قفل التلفون وقطع بنا
الحين شنسوي هو كل من سافر سوا سواته؟؟
وحنا كنا ننتظة يعين ابوي وهو طلع فرعون
اقوله ظل عند ابوي ماله احد غيركم عندي ثلاث اخوة واحد هم سافر بنفس الفترة بس لغير دوله هذا والصغير عند ابوي بس طالب مدرسة ايش يلحق يسوي وابوي رجال كبير يتسوق ويجيب كل شي اقوله ظل بر بابوك لو تجيب عنه كيلو طماطة يقول والله اترك مستقبلي عشان ابوك خل هو يخدمكم بالله هذا بشر؟؟؟
اصلا هو ماله مستقبل هناك بس حنا خلاص شلنا ادينا منه وامي قررت قوله خوذها وروح هذا اذا قدري امي ماتكسر خاطر احد بنا ولاتحسس احد انها زعلانه وهي من جا وجهها صار اسود وحالتها حاله بس تكابر
قولو لي ايش الحل قربت انجن انا حيل حساسة احط روحي باهلي لاني الجبيرة ومتعودة اشيل مسؤليتهم ادري مال شغل بس الموضوع يمسني وماقدر انسحب من اهلي وامي اموت ولا احد يقهرها