حاولي يا أختيه الغالية .. أنج تكونين قريبة منه دايما ..
و بأسلوب لبق حاولي تعرفين ليش متضايق منج أو من البيت ..
أطلبي منه ..يوم بيكون فاضي يطلعج ..و حاولي انتي تتكلمين معاه .. بأسلوب حلوو . إلين ما تعرفين شو صاير له ..
لأن بعض الرجال .. من الصعب عليهم البوح بمشاعرهم .. بما أنج أنتي زوجتة حاولي التودد إليه ..
لمعرفة سبب زعله ..

و أخيرا أنصحج أنج اليوم :: تستسمحين منه و اعتذري عن اللي صار ..
و أنتي عليج ما تكررين خطأج .. و الدنيا مدرسة نتعلم منها أخطأنا ..

و ربي يسعدكم يا أختي ..

حبيبتي..
هل الأمر بينكم خطير لدرجه ماقدرتي تلطفين الوضع؟؟؟‍‍‍‍‍‍‍!!!
ترى ياعمري التلطف والتقرب مع بعض الثقل مهوب ضارك..
يعني وش بتسفيدين إذا ثقلتي وهو ثقل عليك؟؟؟
لاتأخذكم العزة بالأثم...
الحياة الزوجية مثل الحبل...كثر الشد يقطعه..
فأن شد ارخي مهوب تخربينها معه...
تعوذي من أبليس ولطفي الجو ..
وإن هداه الله ذيك اللحظه تفاهمي معه بالحسنى..
ترى إحنا يالحريم حساسات وعجلات ورقيقات بزيادة..
وهذا اللي مخرب علينا مع وجود النقيض..
فاحلامنا مهيب مسويه شي وبتودينا بداهية...
هذا إذا كان مجرد زوبعه...
لكن أنتِ الله يهديك حطيتي مشكله بالمختصر مدري وشلون بنحلها‍‍‍!!
لأننا ماندري وش أساسها‍‍!!

والله يا أختي انتظار انا مثلج زعلانه ويا ريلي صار لي اسبوعين وما عارفه شو اسوي تعبت :29:

ولا يمكن اعتذر منه لانه غلط علي فاذا هو حاب يراضيني هذا شيء ثاني ,بس انا مستحيلللللللللللللللللللللللللللل

ابدأ بمراضاته ترى الدنيا مب فوضه هم يغلطون واحنا ندفع الثمن من صحتنا واعصابنا :06:

والله يقدم اللي فيه الخير:26:

اتمنى ان نعرف المشكله كامله وكذلك وجهة نظر الطرف الاخر بالمشكله وماذا كان رده ورايه فيها

وبالتالي نستطيع المساعده باذن الله

دام اختي انك معترفة التقصير منك ...

لازم تواصلي و تواصلي عشان ترضي نفسه .. وعشان يثق انك قاصدة تتغيرين ...

يمكن هو تعب وهو شايل في قلبه من فترة .. و احيانا النفوس تحتاج لوقت لترضى وتهدأ .. فلا تستعجلين النتيجة .. لكن تأكدي بأنك ستجيدن صدى لما تفعلين