مشكله بحياتي الزوجيه وابي لها حل

انا متزوجه من ست سنوات وعندي بنوته

المشكله بدات من نقلنا للرياض اول كنا بالجنوب ومرتاحين

المهم انا من اهل الشرقيه وزوجي بعد من الشرقيه

عمل زوجي بالعسكريه وتزوجت وسكنت بالجنوب مده وكنت مرتاحه من السفر لبعد المسافه

المهم نقلنا للرياض وزوجي كل اسبوع نروح للشرقيه لاهلنا

المشكله اني تعبت السفر ومليت وزوجي رافض يخليني بالبيت لحالي ويروح ويرجع يعني من يطلع من العمل الاربعاء نمشي ونجي الجمعه باليل

اوصل لاهلي بعد المغرب او العشاء والخميس اكون كسلانه من الطريق والقى زوجات اخواني والبيت زحمه عند اهلي وبنتي اضيعها وحالتي حاله

والجمعه اروح لاهله ونطلع قبل اذان المغرب ونوصل لبيتنا بعد العشاء

ويالله رتبي البيت غبار وغسلي الملابس وووووووو الا الاثنين والثلاثاء ضفي ملابسك للسفر

والله مليت زوجات اخواني بالشرقيه واهلهم بعد بس مايروحون الا بالشهر مره او كل ثلاث اسابيع ولا بعد مايمسوون يرجعون لبيتهم ينامون فيه

وانا احس بالاحراج حتى كل يقول وشوله ذا المشاوير

والله انه ضايق صدري من ذا المشكله

وزوجي ماهو راضي يتفهم الوضع لا ويضحك علي ويقول فيه احد مايحب اهله

والله اني احس اني ماتزوجت من كثر ماجلس عند اهلي
مشكلتي صار لها ثلاث سنين ولا هي راضيه تنحل
كل اثنين انواع البكاء والهم والكدر بس ماخليه يشوفني عشان مايعلق علي .........

تكفوون كل وحده تدخل تدعي ان الله يهدي زوجي ويحب بيته وزوجته وبنته ويكرهه بالسفر ..........