مشكله بيني وبين زوجي وانا الان عند اهلي

السلام عليكم بنات كيفكم ان شالله كويسين

بنات ابي اقولكم عن مشكله حاصله معي ومحتاره جدا اول مره انحط في هذا الموقف 
حصلت بيني وبين زوجي مشكله وانا ملاحظه عليه من شهرين متغير ومايبي اجلس عنده وانا اعرف ان عنده جوال ثاني وكيك ومقاطع بنات وواتس وكيك مسنجر كل هالاشياء عرفتها بطريقتي وانا ماحب احد يستغفلني ولما شافني ادقق واسأله وين رايح ليش تأخرت وغصب عني احس اني مابي اجلس معه لان ادري وش يسوي من وراي وكذا مره لمحت له ويعصب ويقلب الدنيا اني انا اتبلى عليه زوجي مثل مافيه ايجابيات فيه سيئات وبنفس الوقت انا مابي اهدم بيتي وتنازلت عن اشياء مقابل اني اعيش عيشه كريمه معه ومع عيالي اللي صار ان على الطالعه والنازله يقولي عاجبك او روحي بيت اهلك تبين ولا مع السلامه فارقي وانا اسكت وماشكيت ع اهلي وقلت له مره ودي اروح للاهلي اغير جو ونبعد فتره نشتاق لبعض من بكره حصلت بينا سالفه وهو ماصدق اقوله كذا صار يقول انا فرحت انك بتروحين ومن هالكلام وانفتح موضوع ثاني وصرت اقوله انت تتكلم وتقول عند ابوك وفعلا دايم اي شي يصير يقوله للابوه ماعنده شخصيه امامه ةكثير تحملت منهم وهذا نقطه في بحر ولما قلت كذا عصب وصار يعايرني بسالفه مضت عليها اكثر من سنتين وسالفه كلها تلفيق وابتلاء من امه واخواته وهو يدري بس صار يقول لا انا شفت كل شي بعيني هم ماكذبوا قلت حسبي الله وكفى ان شالله ماتخطيك لانك تتبلى علي وزعل وقوم الدنيا ع هالكلمه واحسه يبيها من الله جمعت اغراضي واغراض عيالي وسافرت من بكره للاهلي لان قال شيلي اغراضك وروحي لااهلك مره يقول مابيك ومره يقول اذا عقلتي اردك وانا ماغلطت بشي رحت لاهلي وانا متكتمه ولماشفت امي ماقدرت اتحمل وقلت لها كل شي وقالت خلاص خليك عندي ماعليك منه ودق علي اول يوم تركني فيه وعقب ماعاد اتصل وحضرني بالواتس لنا الان 6ايام وتو كلمني بالواتس شال الحظر وسألني عن العيال وقالي برسلك فلوس وكذا ويسولف كأن مو صاير شي ويقولي ليه ماسألتي عني  وعن اختباراتي ويعلمني بنتجية اختباره ولما خلص من الكلام معي قام وحط لي حظر مره ثانيه وانا مبينه ان عادي جدا الوضع ومطنشه بس مو مرتاحه انا ادري ان فيه شي مغيره لاكن كيف اتصرف اخليه واطنشه ولا بعد فتره ارسل له لان مابي ادق وانا اعرف انه مايبي يكلمني مابي اهين نفسي ومهيئه نفسي للاي قرار ممكن يصير