مشكله تبديل المواليد في المستشفيات

يابنات أختي بإختصار في محنه مايعلمها إلا الله الشك والهم ياكلها من اربع سنوات,فهي ولدت من أربع سنوات بالمستشفى الوطني بالرياض (وهو أسواء مستشفى)لامن حيث تعامل الممرضات السئ ولامن ناحيه النظافه وسؤ الاثاث على الرغم من ان الولاده بخمسه الاف ريال بس تعاملهم اسؤ من الحكومي,المهم أختي جابت بنت وسبحان الله ولادتها عسره وهم خلوها بغرقه الولاده إللى الساعه اربع على انها ولدت الساعه عشره صباحا بس يقولون هذا نظام المستشفى وماشافت بنتها إلا الساعه اربع طبعا ملامح المولود غير واضحه,بس لما بدت تكبر بدت ملامحها تظهر فرق كبير بينها وبين اخوانها فهي لاتشبهم لاشكل ولالون ولاملامح ولاتصرفات,ملامحه اقرب للهنود,وسمرا,وامها ماتحس انها بنتها تقول قلبي مايتحرك لها بس ارحمها لانها طفله,خاصه ان مستشفى الوطني اغلب الي يولدون فيه هنود لانهم تأمين شركات فهي شاكه انهم مبدلين بنتها لان الممرضات نفوسهم شينهم حتى بالولاده كانو يصرخون عليها,هي تبي شي يريحها ويقطع الشك باليقين علشان ترتاح هل فيه بالسعوديه تحليل جينات ووين ممكن تسويه,قلنا لها تروح لمستشفى الوطني وتشرحلهم القصه بس قالت مستحيل يورطون انفسهم ,وانتم تذكرون قصه الطفل التركي وولد نجران كذبو التركي يوم اشتكا وماصدقوه لين سوا تحاليل برا,أبي اي وحده مرت بحاله مشابهه تعطينا الحل أو الي زوجها بمستشفى دكتور تقولنا وش نسوي والله يجزاكم خير ويسعدكم دنيا واخره تراه بهم مايعلمه إلا الله.