لميـــــــــــــــــس
يابـــــــــــــــــــــــــــــــــــعد عمري
وربي وربي ان عيني دمعت من جد .. لو عندي اخت ماظن بتسوي ذا كله وتكتب لي كل هذا
وربي ماقصرتي
جزاتس الله خير
ويارب يوفقك ويسهل دربك انتي وكل البنات فديتس
وانا راح ابلغك بكل شي اسويه
لميـــــــــــــــــس
يابـــــــــــــــــــــــــــــــــــعد عمري
وربي وربي ان عيني دمعت من...
والله عارفة معاناتك مرت علي من قبل وأنا اول واحده والكل تخلى عني
بنات اول شي بقول لكم كم شغله عني
انا كل اخواني اولاد (5)
خوات ماعندي <<< مسكينه ... هذا اهم شي بالموضوع ..
مايضرك شيء بنساعدك والله يسهل لك
المهمـ بنات انا بجد تعبانه نفسيا بتقولون ليه بقول لكم ..
قبل كم يوم تقريبا ملكت والحمدلله لحد الان مبسوووطه
لاني ملكت على حلم حياتي احبه واموووت فيه (طبعا عقبال لكم يابنات والله من كل قلبي اقول الله يوفقكم يااارب)
الله يتمم عليك ويوفقك
بس المشكلهـ
ان العرس بعد شهر وكم اسبوع <<<< دموع تنزل من عينها
الف مبروك
بنااااااااااااااااات
مشكلتي ماعرف وش اسوي
وش اشتري
كيف احجز
و وش احجز ماااااااااااااااااا اعرف شي !!
أكتبي معي ولاتنسين شيء كل شيء في ورقة
أولا ملابس العروس :
تنقسم لأقسام :
ملابس النوم : تشترين منها وقد ماتقدرين طبعا نص فخمة وهاي ومن محلات مثل لاسنزا ونعومي ونص من تاج توج أو أي محل رخيص لأن الرجال مايعرفون الفرق بين الماركة والعادي أهم شيء تقسمينها قسمين بعد نص قصير مرة ونص طويل ومتدرج الطول لأنه صعب " هذا عندنا " إنك تلبسين قصير على طول
تشترين بعد قميص الدخلة تلقينه في نعومي بس من لاسنزا أحلى وأشيك
تشترين روبين للحمام من نعومي واحد لك واحد له والأفضل تشترين روبين لك وواحد له أقصد أرواب استحمام
طبعا تجيك طقم معها المنشفة والشبشب وانتو بكرامة
طبعا فيه ثوب استقبال في صباحيتك ولازم يكون فخم
ثانيا : البيجامات :
اشتري ثلاث فخمة وروعة عشان بعد ما تغيرين قميص الدخلة تلبسين واحدة منها و بعدين اشتري أنواع ثانية من البيجامات وخليها دلع مرة وفيه محلات تبيع هذي الاشياء
ثالثا :ملابس البيت
طبعا هذي اقسام بعد فساتين قصيرة وعلى ذوقك
بناطيل أشكال وانواع يعني طويل قصير ألوان بعد وبلايز معها يعني تكون بلايز روعه فيها حركات والسوق مليان
كمان تنانير قصيرة منوعة
رابعا :ملابس مناسبات عادية وزيارات :
لازم تكون كشخة وعلى حسب ماتحبين تلبسين يعني أطقم تيورات حلوة فساتين ناعمة مثل اللي في زارا ومانغو ودرهي طبعا لاتنسين ياعروسة أن فيه اول طله لك عند أهل زوجك يعني هذي مايبيلها تواضع لازم تلبسين لبس روعة والأفضل فستان روعة وعلى جسمك وموديل السنة
خامسا :ملابس سهرات وعزايم كبيرة
هذي كأنك رايحة لزواج تأخذين كل شيء بطقمه يعني فستان وتطقمين عليه كل شيء طبعا راح تحتاجين على الأقل 4 فساتين والزيادة على حسب اهل زوجك ومناسباتهم
سادسا : الذهب
أنا مااعرف عاداتكم في الذهب بس لازم يكون عندك كم طقم حلو وتعليقات رايقة شوي على أساور على خواتم ناعمة
سابعا : اكسسوارات :
على ذوقك وعلى حسب ملابسك ولاتنسين ملابس البيت لازم لها ولاتنسين اكسسوارات الشعر
ثامنا :الجزم والشنط
خذي جزم بناتية حلوة نهائيا لاتاخذين رياضية إلا في حدود معينة والباقي خذيه كيوت شوي ورايق وبكعب
تاسعا: العطورات ومستحضرات الجسم
العطورات على ذوقك وراح اجيب لك اسماء حلوة لها كثري قد ماتقدرين
مخمريات الجسم والشعر هذي في أجمل وعطر البحرين
كريمات الجسم : بودي شوب ونكتار ونعومي ومحلات غيرها بس هذي أشهرها طبعا
بخور لك وللبيت نوعين عود ومعمول
شامبو للجسم طبعا هذي تجي أطقم كاملة
وفيه كريمات بالنكهات تنباع في نكتار حلوة
طبعا راح ارجع لك واكون معك خطوة بخطوة بس قولي انتي من وين وكيف عاداتكم عشان افيدك
لاتنسين ياعروسة تحجزين في مشغل تنظيف جسم وحمام مغربي وفتلة وحلاوة وتدورين على كوفيرة تمام وتحجزين الكوشة إذا من عاداتكم حجزها