مشكله تحوم الكبد لصديقتي وقريبتي واكثر من اخت ساعدوها طالبتكم

السلام عليكم أنا قريبة ماعندك مشكله عطتني معرفها اطرح مشكلتي 
أنا متزوجه وماكملت سنه أنا موب مدحه لنفسي بس عشان تكونون في الصوره انسانه سنعه وجيده واصلا هم ماتقدموا لي الا بعد ماوصلتهم سمعتي 
بس زوجي مهما سويت له مايملا عينه وكلمة شكر او رفع معنويات ما اسمعها منه على الرغم ان امه ابوه وخواته واخوانه يشكرون فيني ويحبوني وحاطيني فوق روسهم بسبب طيبتي معهم
باعطيكم موقفين هي الي قهرتني مره والا المواقف كثير 
مره عازم زملائه في بيت اهله وجايب ذبيحه وانا الي باطبخها طبعا 
واقفه يابنات من الساعه وحده الظهر في المطبخ وانا حامل وطبخت الذبيحه طبخ انهبلوا عليه اخوانه واهله وحطيت انواع السلطه والمقبلات وكله شغل بيت دخل علي في المطبخ وقعد يهاوش قدام اهله وحرمة اخوه واخوه بعد وشذا الشرهه علي أنا الي معتمد عليك 
قلت له ليه قال الرز شوي المشكله ان الرز ترس صحنين كبيره 
حتى وان كان فيه ملاحظات المفروض بيني وبينه موب هذا جزاي وقدام الناس يتكلم علي 
الموقف الثاني أنا بيتي فيه كم غرفه لاهله إذا جو عندي طلبته غرفه وحده اتوسع فيها قال لا لاهلي قلت خلاص انت واهلك على عيني وراسي يابنات دون مبالغه البيت 24 ساعه نظيف بس حطيت المفارش على جنب يجي يوديها للمغسله ولان البيت ضيق وكله مسكره عشان اهله حطيت كم شغله من اغراضي علىالارض بشكل مرتب ونظيف لا مالها مكان قام يهاوش انتي وسخه انتي وانتي اصلا المفروض افتح لك الغرف المسكره تنظفينها قهرني. 
مع اني ماقصرت معه بشي واهله كلهم يقولون والله مايلقى اخوي زيك ولا احد يصبره عليه زيك 


يابنات الله يعافيكم ابي حل اكسبه فيه اخليه يشوف تعبي ومجهودي 

كيف اخليه يبين في عينه