مشكله تسبب لي القلق ياريت تساعدونى

السلام عليكم ورحمه الله وبركاته بصوا بقي يا جماعه ممكن انكوا تضحكون علي مشكلتى لانها لا تعتبر مشكله بالمعنى الاساسي للكلمه ولكن فعلا الموضوع شاغلنى انا طالبه في كليه الصيدله يعنى المفروض ان كل دقيقه من وقتى تكون في المذاكره ولا شىء اخر في بدايه دخولي الكليه اللي هي السنه اللي فاتت كنت قلقانه جدا من الجو الجامعى الجديد والدراسه بالانجليزي وجميع الاشياء الاخري اللي بتقابلنا وكنت محتاجه اخد مشوره حد اكبر منى في كليه الصيدله وطبعا لانى معرفش حد كنت مضايقه فابن عمى اعطانى نمره صديق له في كليه الصيدله بس اكبر منى ب3 سنوات علي اساس انه زميل ليه في الكليه واحاول اعرف منه نظام الدراسه ازاى واذاكر ازاى وكده يعنى وفعلا اتصلت بيه فطلب يقابلنى لانه لايصح كل لما اعوزه اتصل بيه واول مره قابلته احضر معاه زميلته ولاحظت انه في منتهي الاحترام وبقيت كل لما اقابله في الكليه اسلم عليه لاحظت ان طريقه كلامه تغيرت مره يقولي انتى اسمريتى ومره يقولي انتى قصيره و طبعا لانى اول مره في حياتى اتعامل مع ولد مكنتش عارفه ارد اقوله ايه اوبخه ولا اعتبره بيهزر ولا مردش عليه المهم انى مره وبخته ورديت عليه رد وقفه عند حده المشكله انى اليوم اللي بشوفه فيه بعد ما اروح البيت قعد افكر هو قالي ايه وانا قلتله وايه اللي كان المفروض اقوله وايه اللي ماكنش المفروض انى اقوله وطبعا ده شغلنى عن المذاكره وده ضايقنى جدا وحسسنى انى حلمى وهو انى اصبح معيده في الجامعه مش هايتحقق فاتضايقت جدا وبقيت بكره اليوم اللي بشوفه فيه وبقول ياريتنى ما كنت كلمته من الاول ودلوقتى انا بفكر انى لو قابلته في الكليه اعمل نفسي مش شايفاه وامشي ولا اعمل ايه مش عارفه وعلي فكره هو الولد الوحيد اللي اعرفه في الكليه او بمعنى اصح في حياتى كلها وممكن علشان كده انا مهتمه بيه وبفكر في كلامى معاه المهم انى لما باقابله كل اللي بنقوله لبعض السلام مش اكتر وانا لما بيكون عندى مشكله في الكليه واالدراسه بقول لزملائى البنات ارجوكم يا بنات انا نفسي مش عارفه انا عايزه ايه كل اللي انا عايزاه انى انتبه لدراستى زي ما كنت واخلي تفكيري في مستقبلي العلمى وبس قولولي ازاى اوصل لكده ارجوكم