مشكله جديده مع بنت زوجي

اول ماتزوجت طبعا هدي البنت كانت تحبني مره وكمان انا كنت احبها الين امها كرهتها فيني المهم الحين يابنات من رمضان وهي تحاول وتحاول تسوي حركات بس كنت اطنش عشان اكسبها وابعد عن المشاكل وكل ماله زادت وصارت تنزل بنات عمها وتدخل وتخرج علاكيفهم وعندها بنت عم دحين سكنت فوق لوحدها مع اخوها وامهم في منطقه ثانيه وابوها تزوج وبعيدين وبنتهم تقعد عندنا علاطول وبيتها فاضي وهي نفس عمر بنت زوجي واخوها طول الوقت عند سلفتي الثانيه وزوجي منع بنته انها ماتمشي مع بنت اخوه لانها طويلة لسان وماتحترمه وويقول اخاف يوم اضربها لانها ترد عليه وصارت بنت اخوه تطنش وتنزل وتنام وبيتها فاضي وكنت اقول لزوجي ترى ممكن هي تاثر علا بنتك وتخربها لانه بنت زوجي مره كانت تحترمني وتسمع كلامي في كل شي قالي زوجي لا ياشيخه ماتسمع كلامها انا اعؤرف بنتي محترمه المهم واطمانت واقولك دحين صارت مشكله ومااتوقعت ردها وربي مصدومه وصرت اضحك ولا ابكي بنات عيالي صغار تضارب معاهم وتضربهم والهانم بنت عمها نايمه في الغرفه وهي بنت زوجي كانت بتلعب مع عيالي وبعدين دخلت غرفتها وسكت الباب وعلا بال عيالي هي بتلعب معاهم وصار يدقو الباب وفتحت هي وهما هربو وجوني وسكت الباب ولمن راحو عيالي مره ثانيه ضربتهم وجوني وشفتهم زعلانين وشفت اماريه في كتف ولدي قرصته ورحت انا ودقيت بابها وربي شاهد نيتي مو اتهاوش معها بس اكلمها علا اساس انها تقفل بابها وعيالي بيسمعو كلامها لو تقولهم اني بنام المهم دقيت بابها ولمن زهمتها نافخت علي وقالت اش تبغي قلتلها تعالي ابيك وجات وتشمك وانا بكلمها اقولها انتي قفلي بابك كلميهم وخلاص هما بيسمعو كلامك لانه عيالي يحبوها ويسمعو كلامها ومن هنا بدات المشكله وطلعت كل اللي في قلبها وصارت تسبني وماقدرت اتحمل لمن قالتلي انتي تنقلعي في الشارع هذا بيتي واسوي اللي ابغاه وي بسم الله من متا دا الكلام بنت كانت تحترمني وتسمع كلامي فجأه قلبت علي ولمن صرت ارد عليها وهي تزيد بعشره بصراحه انا رديت وقلتلها ان شالله ربي يزوجك وبنت زوجك يسوي فيك اخص من كده وربي اترددت واتفاجئت منها وصرت اكلم نفسي كل هذا كان تمثيل يعني انا قلت دا الكلام من قهري علا بالها ضامنه دنيتها وانها ماتتزوج وحبيت اقولها بنت زوجك تسوي فيك اخص من كده قلت لعل وعسى تخاف علا نفسها من تهديدي وقامت بنت عمها من النوم وكمان هي كانت بترد علي بس مااعطتيتها مجال وزوجي قالي من اول هالبنتين يبغو خراب بيتي لانه بنت اخوه تكره زوجي وامهاتهم مسلطين عليهم ومركزينهم على خراب بيتنا وروحت صحيت زوجي وقلتله بنتك صارت ترد علي وتقولي انقلعي في الشارع ولمن راحلها وهي مقفله بابها واول لمن قلتلها قفلي بابك تقول انه ابوها يخاصمها لمن تقفل الباب وانا قلت افتحيه بعد شويه مو علاطول تقفله والمهم صار زوجي يدق لها الباب ولمن فتحت قلها زوجي كم مره قلتلك لاتردي على اللي اكبر منك وهي تقوله يعني لو جيت اشتكيتك ايش يتسوي ؟؟؟؟؟؟ وصارت ترد على ابوها وهو استغرب مثلي وقال هدا اللي استفدناه منك في النهايه ....:44:بنات هدا كله ماهمني بس انا مصدوووومه ماابغا بيت ولا ابغا زوج ولا ابغا اي شي هدفي اني ماااحب احد يزعل مني ومااحب اتقل على احد والله عيالي ماياخدو راحتهم في مكان حتا في بيتهم بنات سلايفي وبنته يخاصموهم ويصرفوهم في بيت عمهم برا الشقه واللي هناك ينزلو هم ويصرفوهم وغير كده اسمع كلام يقولو اني مهمله وماانتبه لعيالي وعلاطول هما برا البيت وباب شقتي مفتوح علاطول وقد مااقول سكي الباب وارفعي المفتاح تقفله مره ومرتين وترجع تخليه مفتوح وتعاندني في كل شي .. الهدف الاول : بنته قالتله اروح عند امي اعيش هناك والهدف التاني : تخلق مشاكل وعناد عشان اتطلق او تروح بيت امها الهدف الثالث :هي لاتبغي تعيش عند امها ولا تبغى طلاقي لانه اصلا هي مو مستفيده من الاتنين الهدف الاخير :الشماته لزوجي وتدمير نفسيته وهدا كله من مخططات امها وقايلتلها اذا مادمرتيه مااطالع في وجهك لانه هي اساسا تبغى تثبت للكل انه زوجي حق حريم وضراب وظالم وفي المقابل البنت تسوي مشاكل عشان علا بالهم ممكن يخليها تعيش عند امها ووقتها تبغى تقول للناس انه رمى بنته اللي من لحمه ودمه بس زوجي الحمدالله مستحيل يخليها تعيش عندها لانه عارف بقصدهم .. ارجوكم قولولي بعد هدي المشكله كيف اتعامل معاها وايش الحل اللي ينفع مع هالاشكال وابغا دعواتكم ويارب اللي تدعيلي ربي يفرج همها وييسرلها كل امورها ويسعدها ربي