مشكورات خواتى على إهتمامكم في الموضوع
اتوقعت هالإهتمام منكم لانه معظمكم أمهات وصدقونى ولو انى ماجربت شو تعنى الأمومة بس والله ياخواتى انى اتأثرت :44: جدا جدا باللى سمعته وباللى أسمعه كل يوم

ياخواتى والله صدقونى عيالكم أمانه أمانه أمانه حافظوا عليها صدقونى نااااس بيموتون عشان بذره وحده يبغون ايحطون كل آمالهم عليها وايربونها أحسن تربيه وناااس الله ناعم عليهم بعيال وذريه كثيره والحمدالله بس :( مافي متابعه مافي تربيه ومحافظه الله يهديهم


خواتى
عنود ، غريبه عجيبه ، من علمك تجرح ، ام لين

ياريت كل الأمهات ايفكرون قبل لا يضغطون عى عيالهم او حتى ايقللون من أهميتهم امام الغير
ان هذا الضغط او التقليل من الشأن بتكون له نتايج عكسيه

اختى nightlight امى دوووووم اتقول ( احفظ مالك ولا تتهم جارك ) يعنى حافظ على اغراضك واشيائك ولا تتهم جيرانك بضياعها وسرقتها ( لان المال السايب يعلم السرقه ) على قولة اخوانا المصريين

السلام ورحمة الله وبركـاته

هلا أختـي العنقـاء

تسلمين على طرحك لنا هالمشكلة ويارب إن شاءالله الكثير ياخذ منها العظة
الخطأ على الأم في تربيتهـا للـبنت ..
الكـبت ممنـوع .. لأن أكيد نهايته الانفجـار ..
والحريـة الزايدة عن حدهـا هم ممنـوع ..
يعني خير الأمـور أوسطهـا مع مراقبـة ..





:26: :26:

كله من أهلها أنا لاحظت إن البنات اللي ينحرفون يكون السبب أهلهم يراقبونهم 24 ساعة وكل شي ممنوع...لكن لو يخلونهم شوي من هالقيود ويراقبونهم من بعيد لبعيد ويكونون صريحين مع البنت من البداية وعلاقة صداقة مب أمومة البنت بنفسها بتستحي تسوي أي شي من ورا أهلها وما بتخون الثقة...تعالوا شوفوا صديقاتي وبنات وياي في الدوام أهلهم صاكين عليهم ومضيقين عليهم كانت النتيجة إن من تحت لتحت يكلمون شباب وممكن يطلعون وياهم...الثانيات اللي هم فري وعلى راحتهم ماشالله عليهم استقامة يطلعون كل مكان ويسسون اللي يبونه بس في النهاية ما يغضبون الله ولا أهللهم في أي شي والسبب إنهم شافوا خير وشافوا الدنيا ووشو فيها مب أي واحد يقص عليهم...وحتى وحدة أبوها كان صاك عليها بعدين زوجة أبوها شابة ومتفهمة قالت له خلي بنتك تطلع وتشوف الدنيا عطها ثقتك لا تخليها جالسة في البيت كل شي ممنوع عليها البنت بتطلع ما تعرف شي في الدنيا خلها تواجه الحياة وتتعلم وفعلا من يومها صديقتي ماشاالله عليها تروح وتيي ولا تسوي أي شي يغضب الله وآخر استقامة لا كلمت رجال ولا واعدت حد هذا واقع وحقيقة الكبت يولد الإنفجار..مراقبة الأهل تكون من بعيد لبعيد بدون ما تحس البنت لأن السجن شي طبيعي بيعلمها إنها تنحرف بالتدريج وتجرب كل شي ممنوع...وإسالوني ها كله من تجاربي وتجارب ربيعاتي...الحياة مدرسة.

هلا خواتى
القصيميه
ديباجه
لو بتلاحظون كل ردودنا تنصب في قالب واحد وهو الضغط وكبت الأهل
اتعرفون خواتى كانت لى صديقة أيام الإعداديه وأهلها ضاااااغطين عليها بطريقة فضيعه اتخيلوا هذي البنت رسمت لنفسها علام ثانى من حب وإعجاب في مطرب لدرجة انها قامت اتشوف هالمطرب في وجوه كل اللى حواليها :29:
وبعد فتره سمعت عنها كلام عجيب سمعت انه اهلها في ليله قاموا من النوم على حركه في البيت اتخيلواااااا شو لقوا
لقوا بنتهم امدخله رجل لغرفتها اتخيلوا الضغط شو سواااااااا
خواتى عيالكم أمانه لا اتفرطون فيها

طيب هالحين الكل يتكلم عن الضغوط والكبت بس نسيتوا البنت المسكينه هذي
يعني اذا انتي تعرفينهم يا اختي لازم تسويين شي قبل متصير مشكله ما لها اول من اخر وقبل ما تطيح البنت
يعني ما سوينا شي الحين جالسين نحلل اساليب التربيه والخ ونسينا ان البنت هذي راح تتضرر وتجلب العار لاهلها لاسمح الله
اذا انتي تعرفينهم يااختي قومي بالازم احسن من انها تصير فضيحه صح والا انا غلطانه