مشكله سخيفة راح تحرمني من حضور زواج عمتي

الله يسلمكم هذه عمتي اكبرمن بسنتين لكن علاقتنا قويه مرررة احسها انها اختي واكثر افكارنا واهتمامتنا قريبه من بعض
ف فتره الامتحانات انا كنت مشغوله في المذاكره ماكنت فاضيه انزل السوق وادور لي فستان وصيت امي وعمتي وخالتي ان يشترون لي فستان مع انهم عارفين اني متشدده كثير في اللبس مالبس ضيق ولاقصير ولامفتوح ولاحتى بنطلون في حياتي اليوميه لكن انصدمت وقت الي شفت الي اختاروه لي صحيح هو طويل لكن ضيق ومافيه اكمام لكن عليه شال وشفاف كان عذرهم ان اغلب الفستاين كذا مكشوفه
بعد مانتهت الامتحانات نزلت بنفسي السوق فعلا والله انصدمت من الفساتين المعروضه شي ضيق وشي مفتوح الى اعلى الركبه وشي الظهر مكشوف
المشكله اني مافي وقت اخيط فستان الزواج بعد اسبوع
طبعا غير الكلام الي اسمعه عني من اهلي وقريباتي من اني معقده ومو متطورة وكل الناس تلبس كذا بس انا الي تفكيري تفكير زمان اول
والله نفسيتي زفت ابغى احضر زفاف عمتي لكن صعب البس بهالطريقه مو مستعده ارضي الناس على حساب قناعاتي مع ان الكل يعرف اني متزمته كثير في اللبس في بيتنا كيف قدام الناس
عطوني حل ايش اسوووي الله يجزيكم كل خير
هل انا عل صح او غلطانه