مشكله صاحبه اختي

السلام عليكم ورحمه الله وبركاته
بنات الله يخليكم ويسعدكم بكتب لكم مشكله صديقه اختي وياريت تساعدونها او تقترحون عليها ايش تسوي
السالفه ومافيها انه عمه زوجها اخت ابوة كبيره مره بالسن وعمرها حاليا ممكن 88 سنه وهي وحيده ماجابت عيال ومن عمر 55 لما توفي زوجها وترك لها حلال فلوس وبيت كبير وصديقه اختي زوجها علي قد حاله فقير فعمته قالت له تعال اسكن معاي وماابي شي بس البيت الفواتير والمقاضي عليك وتقومون فيني ووافق وصارو عايشين عندها ومايقصرون حتي ثيابها واكلها ونظافتها كل شي هي وعيالها يقومون فيها وصار لهم اكثر من 20 سنه قايمين بهالحرمه ويحبونها وماينكرون فضلها لانها مسكنتهم ببلاش وبنفس الوقت هي ماعندها احد يقوم فيها يعني هم بعد سوو فيها خير وحتي قبل لا تقترح يجون عندها كان زوج صديقه اختي الوحيد الي يزورها ويبر فيها الحين الحرمه كبرت وصارت تعبانه كثير وغالب وقتها بالمستشفي وقالت لهم انا كتبت فلوسي كلها لدار الايتام والبيت حقي الي انتو ساكنين فيه بعد ينباع ويروحو فلوسه لدار الايتام هذي وصيتها والحين هم عايشين بهم وين يروحون اقل اجار 20 الف وهم عايله كبيره رجال وزوجته ومعاهم 5 عيال الأول كانو بس اثنين ومتاجر غرفتين وصاله برخص التراب هذا الكلام من 20 سنه الرجال قال لها عطيني البيت واوعدك اطلع عنك صدقه جاريه شهريا وهذا دين برقبتي لين اموت وهي رافضه وتقول خلاص وصيتي كتبتها وانتهينا صديقه اختي متضايقه وشرهانه كثير عليها تقول هذا جزاه معروفنا نهايتنا ننقط بالشارع لو صار لها شي وهم ماقصرو معاها ابد ولو اعطتهم البيت تعتبر صدقه لانهم بجد محتاجين مره وش تقترحون الحل عليها هي حالتها مايعلم فيها الا رب العالمين وياريت بدون تجريح هم ماسكنو عندها عشان فلوس او بيت ولا قصدهم أي فايده منها والا حرمه عجوز كانو يقدرون يبصمونها علي أي ورقه وياخذون كل حلالها بس هم يخافون ربهم