مشكله صديقه لي ياريت تفيدوها

السلام عليكم ورحمه الله وبركاته
كيفكم يابنات ومبارك عليكم الشهر وينعاد عليكم ان شاء الله وانتو بخير وصحه وسلامه واماني محققه باذن الله
المشكله تخص صديقه لي وحابه تسمع نصائحكم لها كيف تتصرف والف شكر لكل وحده بترد علي الموضوع
السالفه ومافيها صديقتي ولله الحمد حالتهم الماديه علي قدهم لانه شغل زوجها حر يعني شغال علي اعمال له اشهر ربي يرزقهم ويطلعون خير واشهر الدخل المادي مايتعدا 2000 ريال وهي وزوجها وعندها 3 عيال وساكنين ايجار وفواتير ومقاضي وكذا في الشهر الي يجي مبلغ حلو لزوجها تخبي من المبلغ عشان الأشهر الي مافيها دخل
الي صار عمه زوجها حرمه كبيره بال54 زوجها اعرس عليها وهي طلبت الطلاق وطلقها واخذت بناتها وشافت لها شقه واستاجرتها عاد زوج صديقتي ماقصر معاهم اول كم شهر يعطيها المقسوم ويقضي لهم ودفع لهم ايجار 6 شهور والحين تحسن حالهم كثير بنت من بناتها موظفه والثانيه ينزل لها حافز هذا غير الحكومه تعطيها مبلغ لانها مطلقه ودايم زوجها يرسل فلوس لعمته وهي متضايقه تقول الحرمه تبكي عنده تقول له ماابي الحمدلله الحال ممتاز وخلي فلوسك لعيالك وهو الا مصر ويعطيها ومقصر ببيته تقول ايجارنا متأخر والمالك يلاحقنا ورمضان للحين ماقضا لانه عاطي عمته 3000 ريال وهم احوج للفلوس وهي مره منقهر تقول شهريا يعطيها وهي تستاهل والحرمه طيبه بس هي مو محتاجه حاليا حتي اخر مره عطاها فلوس قالت له ماابيهم وهو حلف عليها وقال بزعل قالت اجل بعطيهم بناتي يروحون فيهم المدينه يتمشون وهي قلبها يغلي وياما كلمته ولا فاد قال هذي عمتي قالت له اعطيها بس اذا صار عندنا فايض مو تقصر علينا وتعطيها ودايم خناق بسبب هالموضوع لدرجه تفكر تقضي رمضان هالسنه عند أهلها تقول بيتي فاضي مافي الا رز وطحين وعلبتين زيت وكم كيس مكرونه فقط كيف يدخل رمضان وش اطبخ لعيالي مره منقهره ياريت تفيدوها كيف تتصرف