مشكله صعبه جداً

السلام عليكم
اخواتي بنات حواء حبيت اطرح مشكله عليكم لصديقه لا مو صديقه اخت عزيزه جداً علي
قالتلي مشكلته وطلبت منها اني اطرح مشكلته في عالم حواء عسى تلاقي حل وياليت كل الاخوات مايتعجلن بالرد ياليت الي عندها خبره او زوج فاهم تستشيره او اي احد صاحب تجربه مو قصدي شي بس تدرون الحرمه اغلب الاحيان تحكم بعوطفها مو بقلبها طولت عليكم بس ابيكم تسمعون مني المشكله من اولها وابيكم تحكمون براي سديد .

صديقتي هذي عاشت بعائله الوالد سكير وراعي حريم وام مهضوم حقه بمعنى الكلمه ،الاب ف يصرف عليهم واي مشكله تواجهه بناته من ازواجهم اللهم عافه تقولون اذاعة لندن مايترك احد ماعلمه بالمشكله ويزود وينقص على كيفه لحد ان بناته كرهن ان ابوهن يعرف اي مشكله كبيره اوصغيره عنهن اخوان صديقتي اسئل الله العافيه مابين شارب للخمر ومتعاطي للحشيش يعني بمعنى اصح ماله الا الله وهو نعم المعين.
اتزوجت صديقتي من واحد كانت سمعته على حد ماسمعو وسئلو عنه زي المسك الى ان جاء اليوم الي اكتشفت فيه ان زوجه يشرب ويحشش وهذا كان بيته اثناء غيابه او حتى لمنه راحت تنام عند اهله غير هذا الاشرطه الاباحيه الي اكتشفته في بيته هي عرفت هالشي عن زوجه بعد مرور سنتين من زواجهم بعد مروره بضائقه ماليه والتفاف اصدقاء السوء عليه حاولت انه توسع الصدر مره عليه تنصحه تهدده تروح لبيت اهله كل شي سوته حتى اتصلت على مشايخ خاصين بالمشاكل الاجتماعيه وعملت بحلهم وكل مره يبدي الاسف والندم وينعت نفسه بالحقير وانه وانه..................الخ السب لنفسه طعا صديقتي لها اربع سنوات ماحملت وشاء الكريم انه تحمل وكانت قبل متخانقه مع زوجه بسبب هالاشياء ونسيت اقولكم زوجه يقعد باليومين والاربع براء البيت ينام علشان الكيف وزي ماقلتلكم كانت مصممه على الطلاق ولاتفكر ولا ربع بالميه انه ترجعلوه وشاء الكريم وتتفاجئ بانه حامل طبعا اختلطت دموعه مابين الفرح والحزن الفرح بمنة الله عليه والحزن على حال زوجه المهم لانه تخاف الله اتصلت وعلمته الفرحه ماكان احد يتخيلها ووعده انه راح يكون شخص ثاني وفعلاً راح للتاهيل النفسي عرفو ان نسبة الحشيش والخمر مو مره معه على حسب ادعائه وقال لزوجته كلمي الدكتور فلان بالتاهيل واسئله اذا كنت مو مصدقه وبعد مرور شهر على جلوسه بيت اهله زوجه طلب منها وبالحاح انه ترجع للبيت لانه اتحول لشخص ثاني مجرد مر اسبوع على رجعته رجع الزوج للسهر براء البيت واكيد للحشيش.

حبيت اقولكم في النهايه انه مرت اربع سنوات واهله مايدرون عن اي شي حتى لمنه راحت لم اهله تقول انا مالي خلقه ولانفسيتي تعبانه او من هالكلام
الشي الثاني زوجه يحب الناس الي فيهم خير ويحب الصلاة وقراءة القران ويبكي كثير لمجرد انه يتذكر الاشياء الي يسويه وانسان حنون ويحبه بالمره وتقول انا متاكده من حبه لي

صديقتي تطلب مشورتكم تطلب الطلاق ولا شتسوي بالضبط
انا طولت عليكم صح بس حبيت انكم تحيطون بجميع جوانب المشكله

وابي منكم طلب صغير ادعوله بثبات حمله وان الله يهدي زوجه لطريق الحق


والله يجزاكم كل خير
انا بانتظار الردود