برأيي العنوسه تبدأ من سن 30 للفتاه والاسباب كثيره منها تشرط الاهل في المال والشهاده والحسب والنسب لكن ايضا للفتاه دور كبير في عنوستها مثلا صادفت انا وايد بنات لو تسمعون كلامهم يشيب راسكم الي تقول تو الناس اب اطلع واسافر واستانس وأكمل دراستي ولا ابي استانس بمعاشي وللاسف في وحده من قريباتي قالت هالشي ليما عنست واهي الحين على اعتاب الاربعين وغارت من اختي الكبيره يوم تزوجت كونهم بنفس العمر اختي صارلها 15 سنه متزوجه وليلحين تغار منها وتتفلسف عليها بالماجستير واختي شبه جامعيه بس طلعت باخر كورس من الجامعه والسبه الحمل بس الحمدلله عندها بيت وزوج وعيال والعوض فيهم انشالله لا وبعد من اسباب العنوسه الي يتشرطون ابيه شهاده وساعات اهي ما يكون عندها حتى الثانوي وتتشرط تبيه شهاده ومركز وولد عايله وجمال والاخلاق مولزوم المهم واحد رزه تتفلسف فيه جدام الناس وبعد في مشكله من ناحيه الشباب الا يبونها مدرسه او موظفه عشان المعاش وتساعده والله بنت خاله زوجي بمثل سني عمرنا 23 سنه وشهادتها المتوسط وتكسر خاطري انا وياها صرنا صديقات صارحتني عن رغبتها بالزواج وقالت لي اذا أمج تعرف احد يبي يتزوج خل تذكرني وانا وعدتها خير بس المشكله انه كلهم يبون شهادات وموظفه واهي مسكينه ماخذه دوره بعد المتوسط وصار لها سنتين مقدمه على التوظيف وليلحين تدرون الاولويه للواسطات والشهادات وتكسر خاطري انه كل الي بعمرها بعايلتهم تزوجوا بس هذه كتبه الله سبحانه واهي مسكينه جمالها عادي لا والشباب بعد من شروطهم يبونها ضعيفه وطويله وبيضه واحيانا يبونها شقره ( الله يعافي الصبغ) يعني شروط تعجيزيه من الاهل او البنت او الشاب

السلام عليكم ورحمة الله

بقول الي عندي في نقاط
1-من اسباب الاجابه اليقين من الله بالاجابه ...بالله عليكم مو كل وحده فيني تدعو الله ان يرزقها الزوج الصالح
اذن ليكن يقيننا ..وكان هذا الزوج في ايدينا ... وان الله لا يضيعنا ...بس لقد اختارنا حتى يسمع صوتنا في الدعاء
( يا بختنا فعلا نحن محظوظات) لا تهملو الثلث الاخير من الليل

2-انا ما اتخيل ان العنوسه لها عمر ...مافيه زوج كامل دائما لازم نقدم تنازلات ...وانا اعرف ناس كبار ولسا ينخطبون ...وناس تزوجت على كبر ...فلا نترك لليأس سبيل علينا

3- في رايي ان اي شي تكبره يكبر وتصغره يصغر ....يعني هوني عليك ...مكتوب انك بتتزجين في اليوم الفلاني الساعه الفلانيه ...رزقك لك ...اطلبيه عند الوهاب

هذا الي عندي
وشكرا