صباح الخير
بنات انا علاقتي مع ام زوجي وخواته
الحمدلله زينه يحبوني ويحبون ولدي وكل شي
تمام
واغلب الاحيان ما اجيهم ويدي فاضيه
لازم اجيب شي معي
وكل شي زي العسل
بس فيه شي مستغربه منه دايم انحرج عند الناس بسببه
طبعا انا ساكنه فوقهم
اذا جو ناس تحت عند اهل زوجي
وسالو عني قالو نايمه هي ولدها والا طالعه عند اهلها..وهم حتى ما دقو علي اصلا
دايم مو مره ولا مرتين ماعمرهم اتصلو وقالو فلانه تسال عنك والا فلانه تحت تعالي سلمي عليها
مرات كثير يسالوني قريباتي جينا تحت ولقيناك نايمه العصر غريبه😐 اتصدد مدري شقول
مابي اكذبهم ولا اعرف وش اقولهم
وقبل فتره عمة زوجي جايبه قهوتها عشاني
لاني خلصت الاربعين وجايه بتقهويني تحت
بحكم انه بيت اخوها
جت المغرب وكان فيه عشاء عند اهل زوجي
تصورو ما احد خبرني انها تحت الا بعد صلاه العشاء لما بدو الناس يجوون للعشاء
ع طول كملت لبسي ونزلت وسلمت عليها ولقيت كم حرمه جايين عشان العشاء
سلمت علي واحس انها زعلانه من سلامها مو نفس العاده وماتنلام صراحه
طبعا زوجي مايدري عن هالكلام هذا كله
مابي ادخله بسوالف الحريم اللي ماتخلص😩
وش الحل لهالموضوع ودي افتح الموضوع معاهم
بس مدري شلوون بيفهمونه خصوصا امه
يلزم عليك تسجيل الدخول أولًا لكتابة تعليق.
صحيح اللي يجي المفروض ينسق معايا
لكن عمة زوجي حرمه كبيره ومتوقعه اني موجوده
بحكم ان فيه عشاء عندنا
لو كانت وحده ثانيه غيرها كان انا تشرهت عليها
تجي بدون ماتخبرني
وهم طيبين انا عارفه والله بس مره مرتين عادي
لكن دائما انحرج مع الناس يحسبوني بس نايمه او طالعه انا نفسي يتصلو يقولو ي فلانه تعالي حنا متجمعين
لكن عمة زوجي حرمه كبيره ومتوقعه اني موجوده
بحكم ان فيه عشاء عندنا
لو كانت وحده ثانيه غيرها كان انا تشرهت عليها
تجي بدون ماتخبرني
وهم طيبين انا عارفه والله بس مره مرتين عادي
لكن دائما انحرج مع الناس يحسبوني بس نايمه او طالعه انا نفسي يتصلو يقولو ي فلانه تعالي حنا متجمعين
طموحه 3
•
ياقلبي وش عليك من ضيوفهم وبصراحه لو هم يبغون يشوفونك يقولون حنا جايين علشانك وانزلي علشان نشوفك مو يروحو لهم ويعطونهم مو عد وانتي بعدين يقولون وينك ؟اميد لك بيت مستقل ولك خصوصيات وعندك عيال
أم سعد3
•
غريبه اهل زوجك هم عارفين ان الضيوف عشانك ومايقولون لو انا مكانك فشلتهم وقلت لضيوف موجوده بس محد قالي
الصفحة الأخيرة
و الله باين رايقين و ذوق اهل زوجك و لا يحبون يزعجونك .. و اللي بيجي عشانك كان ينسق معاكي و الله مو حلوة يجون و دقي عليها .. طيب فرضا منتي فاضيه فعلا و لا طالعة و لا عندك ظرف .. يصير هذيك الساعه انتي مجبورة بضيوفهم اللي جايين عشانك !!
لا و الله
حاولي تفصلي بين ضيوفك و ضيوفهم .. و الله من مصلحتك هما ناس ذوق و يعرفون ايش بيجيهم من ورا هالشي من مشاكل
اي احد بيجيك تقدرين تتعذرين منه او تستعدين له زين