مشكله عويصه الله يسكنكم الجنه لاتطنشوني

السلام عليكم والرحمه

حبيباتي انا من زمان ما كتبت وما راح اطول عليكم لانو عن جد الموضوع شاغل بالي ماثر في نفسيتي مرا

الموضوع وما في انو انا عندي اخو اصغر مني يجي عمرو18 وماشي في الـ19
واحنا الحمد لله عليله كبيره ومرتاحين كتير والحمد لله يعني ما عمرنا نقول تبغى شي وامي ولا بابا يقوللنا لا بس بالمقابل ربونا احسن تربيه وعلى الثقه بس اخويا هدا امي دلعتو من ايام وهوا صغير قلنا عايدي بس دحين هوا كبر وسار مو زينا مرا لا انا ولا اخواني التانين يعني تعطيلو ماما مصروفو مو قليل بالنسبه للافي سنو اتخيلو يصرفو في يوم او يوم ونص ويجي يطلبها وسمعتو يقلها لمن احنا عندنا ليش ما تعطيني وهيا تعطيلو لانو بابا ما يقولا بس تخاف انو بابا يهزئو او يسالو او كده

المهم من فترا انصدمنا انا وماما انو يكلم وحده في الجوال فترات مرا مرا طويله من جوال ماما ومن جوالي ومن اي تلفون يوصل ليدو احنا اخدنا رقمها وخليت خطيبي دق عليها قدامي طلعت بنت مرا مرا بطاااله مرا قليلت ادب يعني تكلم بدل الواحد عشرا ونصحو خطيبي قالو ترا ما ينفعك تتخيلو قالو انا احبها وابغى اتزوجها انا وامي طرنا ووقعنا ياااااا بناااااااااااات راح نتجنن مابقي شي ما عملنا الين عرفنا انها بنت بطاله قطعها فترا ورجع مدري ايش قالتلو والله اخلاقو سارت زفت معانا ومتفرعن والاقاهرني امي قد مو خايفه عليه ما تبغى يزعل اتخيلو بيصرف عليها يسدد فاتورتها ومرا قالنا جوال اتسرق وانا شكيت انو اعطاها هوا اخر موديلات الجوالات عندو والله سرت في كل صلا اقول الله يصرفها عنو ويلهيها عنو سار ما يهمو عارفين لمن سرنا نجزء مصروفو سار يخلصو وياخد من اصحابو ومن يقبل على ولدو طول عمرو معزز مكرم ويستلف والله هدي البنت حسبي الله عليها غيرتو ومفهمتو اشياء غريبه ومستعده تستقبلو في بيتها واحنا لو بابا عرف راح يقتلو طول عمرنا محافظين قلت لماما كلمي امها امها مو سعوديه من لهجتها اتخيلو قالتها ياام فلان هدا طيش شباب ونا ما اقدر عليها وابوها يعرف بس يخاف ينفعل عندو سكر
انا وماما خلاص مو قادرين نام ارح الجامعه اصحي في الصبح انا عندي تلفون في غرفتي اتخيلو ما يروح جامعتو دوبو اولا جامعه يعني لازم ينتظم ويدخل غرفتي يكلم طول الصبح كل فرصه يكلم ولا همو دراسه ولا شي ولا اهلو ماحد فينا كده رغم انو مدانا كلنا نسيب دراستنا وابونا يصرف علينا بس احنا نبغى نكون شي وما شاء الله كلنا شي بس هوا ما اعرف ليش كده وهدي البنت والله يا بنات مستغلتو لابعد الحدود احسو معمي انا ضقت يفتح شنطتي ياخد الايبغى من غير لا يقلي رغم انو لو طلب ما اقول لا مرا متفرعن الله يهدي والله نحبو وكلنا مدلعينو رغم انو وراهولدين شباب ما شاء الله وانا اختو الوحيد ما عندي اخوات بس هوا كسر كل القاعدات

انا كل الا بغى حل لهدي البنت الله يصرفها وسامحوني طفشتكم طولت :(