صباح الخير
اخواتي انا عندي مشكله كبيرة جداااااااااااااااااااااااااااااااااااااااااااااااا
وماعندي احد اقوله بالمشكله :(
انا عمري 19 وداخله عالعشرين وانا بكر امي وابوي وعندي خوات واخوان اصغر مني
المهم
من فترة طويله اكتشفت ان ابوي يكلم بنات في النت والجوال :44:
وشفت المحادثات وقريتها
طبع واجهت ابوي وهاوشته وارتفعت اصواتنا
حت امي سمعت وجات لنا مستغربه طبعا انا مابينت لامي شي بس ابوي قص عليها وقال لها ان بنتك مفكرتني اكلم بنت وهذا رجال مسجل ايميله باسم بنته طبعا امي ماصدقت وتهاوشت معاه وهو وعدني ووعد امي بانه مابيكررها
المهم
امس في الليل كنت جالسه انا واختي الصغيرة عالكمبيوتر وافتح في المستندات وطاحت عيني على محادثات خاصه بابوي وياليتني ماقريتها :(
هم محادثتين وكل محادثه لبنتين
وكان الكلام يطيح الوجه حتى انا استحيت ان اختي تقراه لانها مراهقه والكلام كله جنسي بين ابوي والبنات
ومن ضمن الكلام ان ابوي متفق مع واحده منهم علشان تطلع معاه امس
انا وقسم بربي اقرا وارتجف من الكلام اللي اقراه مو مصدقه ان ابوي اللي يخاف علينا تطلع منه هالاشياء الغبيه
جات الساعه 6 الصبح اليوم وابوي جلس من النوم وانا واختي حالتنا حاله من اللي شفناه
اول ماشافنا قال لنا وش فيكم
انا قلت له ان شاء الله انبسطت امس معاها واهم شي هي عرفت السيارة وركبت علطول
هو من سمع كلامي وجهه تغير وقام ينفي الكلام وانه مو اهو
بس بعدين اعترف لنا وانه غلطان وقام يترجاني باني اسامحه ومااقول لامي :(
واختي كسرت خاطري تصيح صياح قطعت قلبي
تقول مدام انك تخاف على امي ليش تكلم غيرها وتطلع مع بنات وهو ساكت ومستحي على وجهه
اقسم بالله بانه طاح من عيني بعد اللي شفته
وانا الحين محتارة وش اسوي ؟
انا مستحيل اقول لامي باي شي علشان لايتطلقون وغير كذا جدتي ام امي توها متوفيه والحين عزاء جدتي
ابوي استغل العزاء وطلع مع البنت
محتارة يابنات وش اسوي ؟ولمن اقول ؟
انا ادري ان الرجاجيل مهما وعدوا مايتركون هالاشياء
وانا تمنيت الارض تنشق وتبلعني ولااشوف ابوي يسوي كذا
مع ان امي مافيها شي والحمد لله قايمه بواجبها بس ابوي ماادري وش فيه :(
انا اخذت ايميلات البنات بدون مايدري ابوي
بس محتارة وش اسوي
مالي الا الله ثم انتم
بليييييييييييييييييييييييييييييييييييييييييييز ساعدوني :(
بنت الوهم @bnt_alohm
عضوة نشيطة
يلزم عليك تسجيل الدخول أولًا لكتابة تعليق.
احلى الحلوين
بس انا اخاف اقول لاي احد وابوي يهاوشني ماابيه يرفع يده علي علشان بنات شوارع
وانا فكرت اقول لعمتي بس تراجعت وخفت ..
ماعندي كلام اقوله لان نفسيتي زفته
بس انا اخاف اقول لاي احد وابوي يهاوشني ماابيه يرفع يده علي علشان بنات شوارع
وانا فكرت اقول لعمتي بس تراجعت وخفت ..
ماعندي كلام اقوله لان نفسيتي زفته
اي ابد لاتفضحين ابوك عن الاغراب تناقشي معاه بس انتبهي لو فضحتيه بتنفضحوا قبله لانه ابوكم والكلام الي ينقال عنه كنه منقال عنكم ادعوله بالهدايه بالصلاه واخر الليل
الصفحة الأخيرة
ثانيا مهما اتعتذر او تراجع مره بيكرر الغلط لانك بنظره بنته مو ولية امره وماراح ياخذ بكلامك بيقول بكره تنسا ومراح يوقف انا نصيحتي لك توقفي بحث من وراه حتا ماتنصدمين فيه اكثر او تكرهينه وهو عايش فترة مراهقه متاخره او اسباب بينه وبين والدتك ماحد يعرفها غير المتزوجين هو اعلم فيها ..
انتي حاولي تكلمي حد متفهم وعاقل من عمامك او خوالك انسان ثقه وعنده اسلوب حلو لتفاهم لانه ماينفع الهواش والمشاكل دامه مقتنع ماراح يخلي الي يسويه ابد شوفي من هو اهل للثقه وانتي تقدرين تشرحين له الموقف بنتفهم صحيح سنك صغير لاكن واضح انك عاقله ماشاء الله عليك وخليه هو الي يجلس مع ابوك ويتفاهم والرجال مع بعض يقدرون يتفاهمون اهم شي لا تدخلين احد من اخوانك الصغار بالموضوع وغلط كبير ان اختك الي في سن مراهقه تنصدم من ابوها وقدوتها ولا حتا امك حتا ماتكبر المشكله وان شاء الله كلها فتره بسيطه ويرجع لعقه وبيته بس انتي لاتجين عليه بالهواش والصياح هذا مهما كان ابوك لازم تتخذين حل افضل من كذا الله يفرج همك يارب ويصلح والدك