والله صدق مشكلة انا اقول تعرفين السبب بعدين تمنعينها من الهاتف فترة معينة و تشوفين اذا جاب نتيجة و الا لا و برايي ما تدخلين اي رجل في الموضوع الا اذا لزم الامر لان تعرفين الرياييل ما يتصرفون زين بها المواقف و يكون ردة فعلهم مؤلم:30: :06:

لو انا مكانها ... حبين لها اني اتفهم نفسيتها .. واطلب منها تقول له يتقدم لها واحنا مستعدين نقدر وضعه المادي لو هو توه في بداية حياته .. واظن ساعتها بيفركش هو الموضوع و بتجي منه .. و بعدها راح ابتدي معاها النصح .. لما تتأكد ان هالعلاقات كلها كذب بكذب .. و ساعتها بتصدقني بدون حتى ما تدافع عنه .... و بهالطريقة حكون لها الصديقة و الأخت و الناصحة .. و راح دائما تلجأ لي .. و بكذا اقدر امنع عنها السوء

الاخت شمس وقمر أنا نصيحتي لك أن تخبري صديقتك أن تستعمل الحيله والذكاء لانه النصيحه هذي الايام ماأدري شو أقول يعني ماأحد يقبل بالنصيحه لابنت ولاأخت . المهم تتقرب من بنتها وباأسلوب او أخر تحاول تعرف من اللي يكلم بنتها وتقول لها أعطيني رقمه علشان أعرف شو نيته وتخلي الرقم معاها لو طالت السالفه والبنت ماسمعت النصيحه يجي دور الام تتصل في الشخص وتكلمه بالزين أنه يبعد بالزين ويحافظ على شرف البنت وسمعتها واذا رفض تهدده ان في طرق ثانيه لتخويفه مثل تقوله بخبر ابوها اوخوالها اوالشرطه او بنحط الرقم تحت المراقبه وبنلبسك تهمه الازعاج .نصيحتي ياأخوات الموبايل خطر كبير أحذروا منه . ولكم تحياتي

بالحقيقة ان الهاتف خطر ووبال على البيت وقد يدمر كل شيء فيلحظات. حافظي على ابنتك واعتقد انك السبب الاول والاخير لهذا التطور الخطير جدا الذي حصل لابنتك وذلك لغياب الرقابة منك لها. القصة وما فيها صارحيها اذا هي تريد الزواج الان وخاصة من هذا الشاب الذي تعرفت عليه دون علمكم والله يستر عليها بستر منه. واذا لا تريد الزواج الان ارجو ان تقطعي الهاتف بالمرة من مكان تواجدها وامنعيها من الرد اصلا على الهاتف. واحسن شيء انك تسوقين عليها النار وزوجيها الان وليس باكر. والله يرعاكم ويهدي الجمبع.
اختك ام محسن..................

بنصحك نصيحه من واقع تجربه
لي صديقه عزيزة علي يهمني أمرها حيل حيل حيل
المهم جتني وقالت لي ابي اقولك على شي مخفيته عنك على مدى سنه كامله لاني خايفه من ردة فعلك ومابيكي تزعلين علي ومن هالكلام......قلتلها خير يافلانه.....قالت انا على علاقه مع شاب...وهو انسان مستقيم وخلوق..واعرف عنه كل شي ويعرف عني كل شي وماجيت اعترفلك الا اني واثقه منه وواثقه من حبي له وحبه لي..
طبعا انا انصدمت من الكلام لكن ماحبيت اتصرف بطريقه تنفرها مني...لاني حسيت انها بخطر ولوتصرفت بتسرع بفقدها وبتضيع مني. لأن البنت اذا عاشت احساس الحب صعب تنتشلينها منه ممكن تبيعها اهلها وهي ماتدري .. المهم....امتصيت غضبي وامتصيت صدمتي و حسستها اني ماني متقبله الوضع بتعابير وجهي لكن سكت وجاريتها بالكلام....المهم ومرت ايام على هالشي وهي كل يوم تجيني وتسولفلي عنه..وانا بكل مرة أنصحها لكن كل مرة تغلطني وتقولي لاء هو لايمكن يتخلى عني.....قلتلها بطلب منك طلب بس لاترديني...وصدقيني هو بيكون بداية كرهك لهالانسان قالت خير.... أخذتها على قد عقلها و قلتلها قوليله بالحرف الواحد....أناضحيت لأجلك كثيرررر ...يكفي اني
اكلمك من غير علم اهلي...ويكفي انه لو اهلي دروا بيذبحوني....انت تحبني مثل ماتقول وتخاف علي....انت تعرفني وتعرف اهلي وتعرف كل شي عني....وهذا بيتنا تدل عنوانه ان بغيتني تعالي ...وماعندي اكثر وقطعت مكالماتها له....
والله يابنات من يومها وهو ماخطبها ولا حتى سأل عنها :(
..وهذي نهاااااااااية كل انسانه تندفع ورا قلبها
اللي صادق بنيته وصادق بمشاعره عمره مايجي البيوت من شبابيكها يجيها من الباب وهو رافع راسه ورافع راسها لأنه عارف قدره وعارف قدرها
وسلامة الجميع من كل شر
:)