مشكله لعضوه معانا .....ساعدوها بالحل

انا متزوجة وصار مشاكل مع زوجي وصلت ان الاهل من الطرفين تدخلوا وترى الخلاف تافه وهو الي كبر الموضوع وقتها انا عند اهلي المهم وصلت للطلاق اهلي قالوا خلاص مانبي الا ورقتك والله يعوضك مافيه طلاق رسمي بس ابوي قال يا ويلك تتكلمين معه او تراسلينه واخذ شريحه جوالي وقال ما راح ترجعين له المهم صار صلح وهو بنفسه الي طلب يرجعني ابوي مايبي رجعتي بس الزوج بنفسه الي قال ابي زوجتي رجعوها لي وجاب ناس من العايلة ابوي يحترمهم ويقدرهم يتوسطون ويصلحون خلها ترجع وزوجي وعد ابوي اني ما اشوف منه الا كل خير انا بعد ما شفت زوجي كيف يحاول يرجعني ويتردد على بيتنا ومدخل ناس يتصلون على ابوي يحاولون اكثر من مره وافقت ارجع ورجعت لزوجي برضاي وكنت اتمنى اكمل حياتي معه وندمت اشد الندم على الرجعة لقيت وحش مو بشر عذبني عذاب نفسي واهانات والفاظ م تنقال انا انصدمت ماتوقعت ابدا يعاملني كذا ترى انا ما سويت له شيء عشان يعاملني كذا هو الي كبر الموضوع وصلها للطلاق انا رجعت بالاساس عشان خلاص صار صلح وهو بنفسه الي قال ابي زوجتي مابي الطلاق وقتها انا ماعندي شريحه ولا تواصلت معه يعني ما طلبت انه يرجعني المهم بعد ما اخذني استقبلني استقبال ما يليق ب انسان فما بالكم بزوجته مافيه احترام من ركبت معه السياره طالعه من عند اهلي طول الطريق يتحسب علي ومكشر وينافخ ما فكر بحملي ولا رحمني حامل باول مولود واني ممكن اتأثر وصلت البيت شفت اشياء الله لا يوريكم اهانات وسب وشتم انا مرعوبه قلت ياليت ما رجعت دموعي ماوقفت يتلفظ الفاظ مثل السم مشيتها له اول يوم وسكتت ما قلت لاحد الرجال تمادى كل يوم يستقوي اكثر انا خايفة ولا سويت شيء وشكلي وحالتي ينرحم كنت اتحاشاه وهو يهاوش ومعصب واسوي اي شيء يطلبه الين جاء الوقت الي انفجرت فيه معاد اقدر اتحمل اجلس معه دقيقه كلمت اهلي اصيح زي المجنونه الايام الي جلستها عنده بعد ما رجعني اقدر اقول ايام سوداء بحياتي المهم كلمت اهلي تعالوا اخذوني بموت كنت اتكلم بدون شعور اصيح صياح راجعه ع اساس بلقى زوج محترم ونتصالح وتمشي الحياه لقيت عكس كذا عزر فيني اللي صار اتفقت مع اهلي ياخذوني بغيابه خوفا ع نفسي وحملي لان معاملته ماتبشر بخير انتظره متى يقتلني جوني اهلي ورحت معهم وهو مايدري وعشت اجمل حياه كاني طالعه من السجن ابوي وامي واخواني انفجعوا من شكلي واضح علي البكاء وانه مسوي فيني مصايب وقالوا خلاص طلاق اتصل ابوي ترى اخذت بنتي وانتهى كل شيء ارتحت نفسيا عند اهلي وكملت حملي وولدت وهو تزوج وانا نفاس اتوقع مخطط عشان انقهر بس انا سمعت من الناس لاني حذفت رقمه وطلبت الطلاق ولا لي رده فعل على زواجه طلبت الطلاق ونسيته تماما معاد تواصلت معه ابدا ومشكلتي انه للحين ما طلق مع ان اهلي يتصلون باستمرار نبي الطلاق قالوا نبي يطلق هو بنفسه مانبي محاكم لان يمكن يعاند ويطول الموضوع وللحين ما طلق ورافض يطلق الا بشروط تعجيزيه شسوي احس باكتئاب كرهت نفسي معلقه كذا عالفاضي ولا عندي مبلغ المهر ولا كان خلعته ماقدرت اروح المحكمه اخاف يطلب المهر وش الحل ماحس بطعم الحياه ابدا لو اني مطلقة ابرك بس متزوجة كذا بالاسم بدون حقوق مافيه جمعيه او شيء اتسلف منهم المهر مو معقوله بجلس كذا وداعواتكم لي بالشهر الفضيل الله يفرجها علي😭