مشكله ما لها حل!!

السلام عليكم
انا بكتب لكم المشكله وان شالله الاقي لها حل عندكم
عندي واحد من خواني اقشر شويه ونوعه بسرعه يزعل ويناجر وبصراحه كلنا نحاول نتجنب النقاش معاه وخصوصا ان ابوي يحامي له اهو قلبه طيب بس ما عنده اسلوب في التعامل
المهم اهو ساكن عند اهلي وانا يوميا لازم اروح عند بيت اهلي اطل على امي وابوي لو ساعه
اهو عنده 3 عيال صبيان ماشالله بس عافسين الدنيا
الكبير ايمع عيال الفريج واييبهم يلعبون بالحوش وكل شوي داشين علينا ازعاج وصراخ عسى ما امي حطت لنا شي ناكله جابلوه ويلعبون كره ويتحكمون بالتلفزيون تخيلوا اهو مع عيال الفريج!!!
والثاني اسم الله عليه ابليس بالشطانه يصرخ ولسانه طويل ويكتت ويطق عيالنا ويدش تكرمون الحمام يعفسه بالوساخه وحاطين معاه خدامه مو مجابلته ولا شي بس توقف عند باب الدار تتسمع حجينا ولا تسوي شي
والصغير بو شهرين يقطونه على امي كل ساع ويطلعون لي الليل وامي مسكينه مره كبيره وما تتحجى تقول الله موجود وهو يشوف وتبلعها وتسكت
مرته ما تدري عن شي(حسبي الله ونعم الوكيل) عمري ما شفتها ماسكه واحد من عيالها والمشكله اذا شفناها تتشكى وتقول اذوني ويننوني! وهيا ما تدري عنهم دهرهم عند اهلي بس شاطره تشيش اخونا علينا!
تخيلوا حتى زوارتنا الاسبوعيه قاموا يقطون عيالهم ويطلعون الحبايب يتغدون بره اهو ومرته واحنا العجله والعفسه على راسنا لدرجة اني قلت حق امي ما نبي نزور!
كل هذا واحنا صابرين وساكتين لما صار شي امس فور دمي
تخيلوا قاعدين نسولف ان امي تعبانه وضايق خلقها جان يقول كله منكم انتوا تهدون عيالكم على امي وتطلعون!!!!!!!!!!!!
انا نربط لساني من الصدمه قلت له احنا نقط عيالنا ونروح عنهم؟!
قال اي(فوق الشين قوات العين!!)
انا سكت ومت من القهر مالي خلق اتناجر معاه جدام امي!
وليحين انا منقهره وميته من الحره شسوي فيه واشلون اتصرف؟!
الحين انا اكتب الموضوع ودمي فاير حده!!